Al hoe sportiewer

Die Koreanse motorvervaardiger Hyundai het onlangs die nuwe Sport-weergawe van sy gewilde Tucson-middelslagsportnuts bekend gestel.

11 August 2019 | Motors

Kaapstad • Dirk Gallowitz



Hyundai het verlede week sy tweede generasie van Tucson se Sport-model bekend gestel, 'n produk eie aan Hyundai Suid-Afrika.

Die vorige model is in 2017 bekend gestel en het die vervaardiger se H-kenteken gedra, maar dit het blykbaar nie die ringkoppe in Korea se goedkeuring gehad nie.

Terwyl aanvanklik beplan is om 500 modelle te bou, is daar uiteindelik 516 van hierdie spesiale modelle verkoop.

Die Tucson is 'n gewilde model van Hyundai wêreldwyd en is ook goed ontvang in SA waar dit onder meer met die Toyota RAV4, VW Tiguan, Mazda CX-5 en Ford se Kuga meeding.

Die vorige Sport was beskikbaar met 'n 6-spoedhandratkas asook 'n dubbelkoppelaar-outomaties, met die handrat wat gewilder was, sou verkope die maatstaf wees.



Twee modelle

Vir die 2019 Sport bied Hyundai SA twee modelle, naamlik 'n 1.6 turbopetrol en 'n 2.0 liter-turbodiesel, beide slegs met outomatiese ratkaste wat krag deur die voorwiele dryf. Die 1.6-turbopetrol maak gebruik van 'n 7-spoeddubbelkoppelaar-weergawe wat ook met ratspane agter die stuur kan wissel, terwyl die diesel toegerus is met Hyundai se eie uitstekende 8-spoedoutokas.

Beide enjins in die Sport-weergawe is mee getoor deur spesiale elektroniese sagteware van Chipbox te installeer, asook met die gebruik van 'n versterker om die petrolpedaalreaksie vinniger te maak. Die gevolg is dat die 1.6-turbopetrol in die 2019-weergawe 150 kW en 300 Nm lewer teenoor die vorige model se 130 kW en 265 Nm piekkragte, terwyl 2019 se 2.0 liter-diesel 150 kW en 460 Nm uitskop vergeleke met die uitgaande model se 131 kW en 400 Nm.

Die resultaat op die pad is nogal dramaties, veral met die petrolweergawe wat die voorwiele maklik laat tol by wegtrek, danksy 'n uiters sensitiewe petrolpedaal. Plant jy egter die regtervoet, kan die stuurwring nogal pla waar dit veral deur die draaie tot effe stuurtraagheid kan lei.



Voorkoms

Die nuwe Sport vertoon inderdaad aggressief sportief met prominente lugskorte voor, agter en langs die sye. Die voorste lugskort kry ook 'n addissionele lugsnoer wat prominent soos 'n onderlip na voor uitstaan.

Agter pryk twee dubbel uitlaatpype wat netjies in die agterste lugskort ingepas word.

Verder word die nuwe Sport toegerus met unieke groot, swart 19”-allooiwiele wat saam met die swart afwerking van die dak pragtig konstrasteer met die Sport se verskillende bakkleure. Die geheelbeeld bied 'n treffende en sportiewe voorkoms wat myns insiens tans die prys moet kry vir mooiste in die klas.

Binne is die kajuit soortgelyk aan die topmodel Elite in die Tucson-reeks en is goed afgewerk, luuks beklee en omvattend toegerus. Standaard toerusting sluit onder meer in elektroniese voorste sitplekke, panoramiese glasdak wat kan oopwip en skuif, spoedbeheer, 'n 7”-raakskerm waarop ritinligting en trukamerabeelde verskyn, en al die kommunikasie- en klankinligting beheer kan word. Verder kom die nuweling ook met LED-dagryliggies.



Op die pad

Die Tucson Sport se laeprofielbande is nie juis ideaal vir grondpaaie nie, maar ons rit op 'n modderige stuk grondpad was geensins ongemaklik of onstabiel nie, met die onderstel en veerstelsel wat die Sport padvas en stabiel laat hanteer het.

Op die uitdagende bekendstellingsroete gedurende 'n reënerige Kaapse wintersdag het die nuwe Sport lekker hanteer en besonder goeie paddinamika getoon.

Dit was egter tydens die platvoet-oopketel-sessies rondom die Killarney Internasionale Renbaan buite Kaapstad, waar die 2019 Tucsan Sportmodelle beïndruk het met goeie balans, uitstekende remme en lewendige verrigting.

Veral die 1.6-turbopetrolmodel wat maklik en vinnig deur die toerestrek hardloop, was 'n opwindende ervaring.

Teen net onder N$670 000 is die R2.0 Tucson Sport Turbodiesel my keuse as 'n sportiewe gesinswa, terwyl ek die 1.6 TGDI-petrol Tucson Sport teen om en by N$660 00 graag sal wil hê wanneer ek lus voel om deur die draaie te gaan speel.

Teen N$60 000 meer as die gewone Elite-modelle bied die nuwe Sport-modelle egter opwindende verrigting met 'n koppedraai-stylpakket. Sport-modelle bied steeds die standaard 7 jaar/200 000 km-waarborg, 7 jaar/150 000 km-padbystanddiens en 5 jaar/90 000 km-diensplan soos met die gewone modelle. Die eerste diens is op 5 000 km met 15 000 km-intervalle daarna.

Similar News

 

New look for TrenTyre

2 days ago - 12 November 2019 | Motors

TrenTyre officially re-opened doors to its revamped Windhoek branch last weekend and amongst the changes that customers can look forward to, are a modernized look...

For hauling really heavy stuff!

3 days ago - 11 November 2019 | Motors

Autohaus MAN Truck & Bus delivered the first ever MAN TGX 41.680 8x4/4 Heavy Abnormal Truck Tractor in Africa, dubbed the “Black Lion” last week.The...

Epic Battle of the Brands for Cancer

1 week ago - 04 November 2019 | Motors

Some great off-road action took place at the Tony Rust Race Track outside Windhoek recently, where the Battle of the Brands for Cancer burst out...

Buying a car? Here’s a practical guide

2 weeks ago - 31 October 2019 | Motors

WesBank has introduced a handy eBook titled Adulting 101 - a practical car buying guide for young professionals, to help graduates and first-time car buyers...

Space for the family

4 weeks ago - 17 October 2019 | Motors

Barry de KlerkPeople movers are the new sports cars.Well, probably not, but you can still get all the perks in your 7-seater – especially if...

Toyota se RAV4 GX-R meer SUV as MPV

1 month - 14 October 2019 | Motors

Kaapstad • Dirk GallowitzToyota het baanbrekerswerk gedoen toe die eerste RAV in 1994 in Japan en Europa bekendgestel is ná die eerste konsepvoertuig in 1989...

Celebrating wheels

1 month - 03 October 2019 | Motors

Barry de KlerkIt’s back and promises to be better than ever!For this year’s Pupkewitz Motorfest open day, dealerships across the country are getting ready for...

Dié Sweed laat die koppe draai

1 month - 16 September 2019 | Motors

Kaapstad • Dirk GallowitzDie nuwe Volvo XC60 is onder andere bekroon as 2018 se Wêreld Motor van die Jaar en dit op sigself spreek boekdele.Ons...

’n Sagte ryding soos min

2 months ago - 04 September 2019 | Motors

Windhoek • Yolanda NelNog voor ek die Haval H1 vir ’n toetsrit neem, is my eerste vraag of dié motortjie Etosha se grondpaaie kan aandurf....

Warm Swift Sport spog nou met turbo

2 months ago - 25 August 2019 | Motors

Kaapstad • Dirk GallowitzNoem net Suzuki Swift Sport en die meeste motorentoesiaste sal met respek reageer.Die klein, warm buksie het oor die jare beïndruk met...

Latest News

Suzy launches her own site

20 hours ago | Art and Entertainment

Well-known Namibian saxophonist Suzy Eises launched her own website at a swanky event in the capital last night (13 November). Through the website, her fans...

City changes 13 street names

20 hours ago | Local News

Yolanda NelThe City of Windhoek (CoW) held a mass street renaming ceremony on Wednesday, to honour some of the fallen sons and daughters of the...

Windhoekers continue to waste water

23 hours ago | Disasters

The City of Windhoek (CoW) once again warned residents that the continuous exceeding of weekly water targets could lead to water rationing.According to the City’s...

Nie net sommer ‘airbrushing’ nie

23 hours ago | People

Yolanda NelEzville Husselman van Rehoboth kom uit ’n kunstige familie en nou het sy stokperdjie ’n volwaardige besigheid geword.Ezville is op Rehoboth bekend vir sy...

Die broodkar is hier

1 day - 13 November 2019 | Art and Entertainment

Yolanda Nel Hierdie plek wat kos voorsien is soos die roomyskar met sy irriteerde deuntjie toe ons kinders was,maar beter, want daar is ’n verskeidenheid...

An outburst of music and...

1 day - 13 November 2019 | Art and Entertainment

Equipped Dancing Academy hosts a show titled ‘Outburst Music and Dancing’ in the capital on 22 November.The academy’s founder and principal, Stanley Mareka, said at...

Verfhale sonder huiwer

1 day - 13 November 2019 | Art and Entertainment

Yolanda Nel Die bekende keramiekkunstenaar Sarie Maritz is hard aan die werk om op 22 November haar nuwe skeppingste vertoon. Nie net is haar handewerk...

Is a franchise the right...

1 day - 13 November 2019 | Business

Mbo LuvindaoNamibia’s Small Medium Enterprise (SME) sector is reported to contribute more than 10% to the gross domestic product (GDP) and 20% to employment creation....

Apples in the Kalahari?

1 day - 13 November 2019 | Agriculture

On Monday (18 November), Salomon Kalondo hosts a public talk at the Scientific Society about how Namibian farming will have to change to remain viable....

Load More