Alles wat mooi is

Wat begin het as 'n bron van ekstra inkomste, is nou 'n volwaardige besigheid.

04 August 2019 | People

“As iemand iets goeds of mooi vir jou gedoen het, is die mooiste manier om dankie te sê om dit weer vir die volgende persoon te doen.” Monica Rossouw, Entrepreneur

Windhoek • Yolanda Nel



As die ekonomie begin knyp, dan doen jy wat jy kan om 'n ekstra geldjie te verdien.

Só het dit gebeur dat 'n plaaslike vrou nou 'n groeiende besigheid het.

Monica Rossouw en haar familie het drie jaar gelede hul eie besigheid op die platteland gehad, maar met die droogte en die moeilike ekonomiese toestande, moes hulle ander opsies begin oorweeg om 'n ekstra inkomste te verdien.

“Ek het 'n vrou van Pretoria ontmoet wat die mooiste fotorame van hout maak en baba's se geboorte-inligting bevat – van hoeveel die kleintjie weeg en hoe lank hy of sy is, tot die tyd wat hulle gebore is,” vertel Monica.

Sy het vir haar twee seuns elk 'n raam laat maak en het gedink dat ander Namibiërs dalk ook in hierdie soort produkte sou belang stel. Sy het be­stellings begin neem en die produkte van Suid-Afrika laat invoer “en so het Mooi-Mooi begin”.

Die naam Mooi-Mooi spruit uit hoe sy haar seuntjies aanmoedig as hulle iets goeds doen. “Dis waar my storie begin het. Ek verkoop tot vandag toe nog daardie selfde vrou se fotorame.”



Groei

'n Jaar en 'n half later het Mooi-Mooi uit sy nate begin bars.

Benewens die feit dat hulle intussen talle ander verskaffers se dienste ook ingewin het, het hulle twee masjiene aangeskaf om hul eie houtprodukte te maak.

“Ons het besef dat die wagtyd vir van die kliënte te lank was en daarom het ons besluit om ook met ons eie produkte vorendag te kom,” vertel sy.

En sy is nie spyt nie.

Die familie glo die engeltjies het goed na hulle omgesien.

“Twee jaar gelede het ons die besigheid op die platteland toegemaak en ek was dankbaar om vinnig weer in Windhoek werk te kry,” vertel sy.

Mooi-Mooi was toe nog net 'n ekstra inkomste wat sy nauurs bedryf het.

Dit was eers toe haar man verlede jaar sy werk verloor het, dat hulle besluit het hy kan haar met die houtwerk help.

“Nou is dit meer as 'n jaar en 'n half later en hy is nog steeds voltyds betrokke terwyl ek moet werk toe gaan,” sê sy met 'n glimlag.

Hulle spog ook nou met 'n klein werks­winkel by die Ferreira's-­kwekery in Windhoek.

Vir Monica is verskeidenheid baie belangrik en bied hulle dus baie produkte aan, wat alles van blikke, plekmatjies, koekie- en beskuithouers tot muurhorlosies, skinkborde, krale, oorbelle en ander bykomstighede insluit. Hul “juffrou”-sakke is ook baie gewild.

Daarmee saam is hulle 'n agent vir Ugears, wat houtmodelle verkoop wat jyself aanmekaar kan sit en ure se genot veral vir die ouer garde verskaf. “Ons verpersoonlik ook ons ­produkte en maak dae soos Valentynsdag, Moedersdag, Vadersdag en Kersfees ekstra spesiaal,” sê sy.

Volgens Monica probeer sy haar kliënte nuuskierig hou en is sy ­gereeld besig om met nuwe idees voren­dag te kom.

Sy put inspirasie uit 'n verskeidenheid internetbronne.

“Partykeer is dit so besig ons kan nie op nuwe produkte fokus nie. Maar sodra die stof gaan lê, dan begin ons rondspeel.”

Die lekkerste deel van haar werk is wanneer mense dit wat hulle skep, waardeer. “Of as iemand na ons toe kom met 'n idee van wat hulle wil hê, ons dit maak en dit hulle verwagtinge oortref,” sê sy opgewonde.

Monica word geïnspireer deur mense wat bo hul omstandighede uitstyg om iets te bereik. “Mense wat nie sit en wag vir die lewe om met hulle te gebeur nie, maar opstaan en iets doen,” vertel sy.

Sy is 'n voorstander van “paying it forward”.

“As iemand iets goeds of moois vir jou gedoen het, is die mooiste manier om dankie te sê om dit weer vir die volgende persoon te doen.”

Die Rossouws het nog groot drome in die pyplyn.

“As dit realiseer, kan ons weer ­bietjie asem skep en dinge kan hopelik bietjie rustiger gaan.”

Van dié planne sluit in om meer op die aanlyn winkel te fokus. En vir die produkte wat hulle nie self maak nie, soek hulle beslis spasie om ekstra voorraad aan te hou.

“Ons wil beslis groei, hopelik binne die volgende twee jaar. Ons het Mooi-Mooi gebou van niks tot iets; dit kan net beter gaan.”

Hou hulle Facebook-blad dop vir nuwe idees en kyk uit, hulle is ­binnekort by 'n mark naby jou.

Similar News

 

Staff changes at Nampol

3 weeks ago - 15 July 2020 | People

The Inspector General of the Namibian Police Force announced a number of changes of position in the force.• Deputy Commissioner Moritz Norres !Naruseb has been...

Poor countries fail to support learners at risk –...

1 month - 12 June 2020 | People

Fewer than 10% of countries have laws that help ensure full inclusion in education, according toUnesco’s 2020 Global Education Monitoring Report: Inclusion and education –...

Father, daughter moments on paper

4 months ago - 01 April 2020 | People

Windhoek • [email protected] simple these words seem, yet how deep they are! How easy it is to type something on a piece of paper for...

A lifetime for Delta

5 months ago - 21 February 2020 | People

Windhoek’s Delta Primary School (DSW) is 50 years old today. To see what happens behind the scenes at, Evelyn Rosar of the Allgemeine Zeitung accompanied...

Japie hardloop vir bejaardes

5 months ago - 17 February 2020 | People

Yolanda Nel - Fiksheidsinstrukteur Japie Greyvenstein is besig om geld vir die bejaardes van Senior Park in te samel en maak só deur aan die...

‘Nou begin die lewe eers!’

5 months ago - 11 February 2020 | People

Evelyn Rosar - Dis 08:30 en koffie en tee word by die Oude Rust-oord in Windhoek bedien. Oupa Harry gaan sit saam met die ander...

Big smiles from Godfried

8 months ago - 19 November 2019 | People

Two years have passed since Godfried Siwombe arrived at the Hollard office with hope in his eyes. He was only 7 years old when he...

Nie net sommer ‘airbrushing’ nie

8 months ago - 14 November 2019 | People

Yolanda NelEzville Husselman van Rehoboth kom uit ’n kunstige familie en nou het sy stokperdjie ’n volwaardige besigheid geword.Ezville is op Rehoboth bekend vir sy...

Bederf ’n boervrou

9 months ago - 16 October 2019 | People

Yolanda NelMiljoene dollar is reeds ingesamel om boere regoor die land by te staan gedurende die droogte wat honderde moedeloos laat. En nou is dit...

Die verhaal van Mamma Afrikaner

9 months ago - 14 October 2019 | People

Yolanda Nel Die eens kleurvolle gebou in Dolam, Katutura, kort dalk bietjie aandag maar binne skyn die harte van die mense helder. Moria Grace is...

Latest News

Two new classroom blocks for...

14 hours ago | Education

The A.I Steenkamp Primary School in the capital received two classroom blocks worth N$1.1 million consisting of five new pre-primary classrooms and a storeroom from...

Lazarus Jacobs heads up NBC...

14 hours ago | Business

The minister of information and communication technology Peya Mushelenga announced that Cabinet endorsed the appointment of businessman Lazarus Jacobs (pictured), as the new board chair...

Virtual relay a running success

1 day - 06 August 2020 | Sports

A total of 348 participants, comprising 87 teams of four, took part in Bank Windhoek’s Virtual Relay last weekend.A first for Namibia, the charity-based event,...

Create your ultimate home theatre

1 day - 06 August 2020 | Life Style

Lockdown has caused the re-emergence of drive-in cinemas and increased the demand for at-home theatres.According to Adrian Goslett, Regional Director and CEO of RE/MAX of...

Emvula to head Ninety One

1 day - 06 August 2020 | Business

Ninety One (previously Investec Asset Management) announced the appointment of Eino Emvula as Managing Director for Namibia & Africa ex-SA.Emvula will join Ninety One from...

Chill with Windhoek Express

1 day - 06 August 2020 | Art and Entertainment

Recurring events• 08:00 The Village Farmer's Market in Liliencron Street takes place every Saturday until 12:00. Buy fresh, locally produced goods and engage in healthy...

HIV patients resume treatment ...

1 day - 06 August 2020 | Health

More than 4 000 Namibian HIV patients who stopped taking their antiretroviral medication have resumed treatment thanks to the United States’ food assistance program. ...

Sport awards called off

2 days ago - 05 August 2020 | Sports

The 17th edition of the Namibia Annual Sports Awards (NASA) was called off on Wednesday by the Namibia Sports Commission (NSC).The awards were scheduled for...

Quick work saves pangolin

2 days ago - 05 August 2020 | Environment

During a first of its kind cooperation between US Law Enforcement and the Namibian Police (Nampol), four suspected pangolin traffickers were arrested in Namibia on...

Load More