Deur God geseën

'n Ma se besluit om haar dogter van jongs af te leer om vir ander om te gee, ongeag hul agtergrond, het al talle families oraloor die land gehelp.

21 July 2019 | People

Windhoek • Yolanda Nel



Nadat 'n ma self ervaar het hoe vinnig babas uit hul klere groei, kon sy nie help om te wonder hoe behoeftige ouers dié uitgawe bekostig nie.

“Ek het met die idee vorendag gekom dat behoeftige families 'n boks van hulle kinders se klere wat te klein is, vir my gee in ruil vir 'n boks met klere wat hulle sal pas,” vertel Ilanza Klein van die Azaria – Restoring Faith-gemeenskapsprojek.

Die projek is vroeg in 2016 begin. “Azaria beteken 'geseën deur God' of 'God het gehelp',” verduidelik sy en voeg by dat dit ook haar dogter se tweede naam is.

“Ek het besluit om haar van 'n jong ouderdom af te leer om vir ander mense om te gee, maak nie saak wat hulle agtergrond is nie.”

Die grootoog-kleuter het vanjaar haar ma begin help met aflewerings na die gemeenskap. “Dit is ook deel van haar vereistes om aan skoonheidskompetisies deel te neem, waar liefdadigheidswerk 'n baie groot rol speel.”

Hoewel Ilanza nie kan sê hoeveel bokse al deur haar hande is nie, kan sy met sekerheid sê dat die bokse al oral in die land afgelewer is.

“Van die kus tot Windhoek tot die Noorde, dan weer terug na die Suide is al gehelp. Ons bokse reis deur die hele Namibië en ek sou jok as ek sê ek tel hoeveel families ons al gehelp het. Wat ek wel kan sê, is dat ons aanhou groei,” vertel sy.



Behoefte neem toe

Haar sosialemediablad groei maandeliks en die versoeke raak al hoe meer. “Ek moes begin om administrateurs op Facebook aan te stel wat in verskillende dorpe bly om met die navrae te help, want ek kan nie voorbly nie,” sê Ilanza.

Sy het wel besef as 'n gemeenskap kan almal mooi saamwerk as die wil daar is.

Met hierdie soort liefdadigheidswerk is jou oë wawyd oop vir hoe groot die nood in die land is. “Hierdeur leer ek dankbaarheid. Ek wil ook graag Namibiërs wat in die posisie is om te kan help, wys hoe groot die nood onder ons eie mense is. Ons sien altyd net die stories van die behoeftiges in ons buurlande, maar vergeet in ons land lyk dit ewe droewig en hartseer. Ons vergeet om rondom ons te kyk.”

Volgens haar begin 'n mens klein. “Wees bewus van die maats by die skool waar jou kinders skoolgaan, stuur 'n ekstra toebroodjie saam vir 'n maatjie wat dalk nie een het nie.”

Illanza is trots op haar mede-Namibiërs wanneer daar om hulp gevra word. “Dit is asof mense wat al self swaar gekry het, die meeste wil gee en help.”

En wanneer die publiek hul harte en beursies oopmaak, leer sy dat ons tog in moeilike tye kan saamstaan, ongeag velkleur, en dit is vir haar wonderlik om te beleef.



Trane sluk

Sy moes wel leer om nie emosioneel betrokke te raak by die mense wat sy help nie, anders het sy al lankal tou opgegooi. “Die familie moet nooit in 'n ongemaklike posisie geplaas word nie en dan moet jy maar jou emosies sluk.”

Sy word gereeld gekonfronteer met stories van verkragting van jong kinders en kinders wat weggeneem is van hulle ouers, asook die ekonomiese krisis wat sy tol op baie Namibiërs eis.

“Ons versoeke op sosiale media het die afgelope jaar verdubbel. Dit strek oor verskeie rassegroepe en uiteenlopende ekonomiese agtergronde,” sê sy.

Maar van al hierdie versoeke, bly 'n spesifieke een klou. “Ons is genader om hulp vir 'n seuntjie, en ons het donasies soos kos en klere aan hom geskenk. Hy is ongelukkig 'n paar dae later weens sy beserings oorlede,” vertel sy hartseer.

Dit is juis hoekom sy die gemeenskap aanhoudend op haar sosialemediablad aanmoeding om nooit stil te bly oor kindermishandeling nie. “Ons is die stem van die weerloses. Die onskuldige kinders ly altyd daaronder weens onverantwoordelike volwassenes.”

Tussen al hierdie seer bly dit lekker om te weet sy maak 'n verskil in baie families te lewe. “Dis 'n bietjie meer hoop en nuwe moed wat ons onder mekaar skep,” sê sy.

Volgens haar kan diegene wat skenkings ontvang, met nuwe moed na die lewe kyk nadat hulle na daaraan was om op te gee.

Sy is dankbaar vir die families wat haar weer kontak sodra dit met hulle beter gaan. “Ek het kontak met meeste van die families, in goeie en slegte tye, en dit gee natuurlik nuwe moed as ek hoor dit gaan weer bietjie beter met hulle.”

Ilanza put inspirasie daaruit om maniere te vind om haar passie en doelwitte te verbind.

“Dit is wanneer jou hart en siel tegelykertyd saamwerk en jou inspireer en aanspoor om aksie te neem.”

Indien jy wil betrokke raak of 'n behoefte het, kan Ilanza via haar Facebook-blad gekontak word.

Similar News

 

Big smiles from Godfried

2 days ago - 19 November 2019 | People

Two years have passed since Godfried Siwombe arrived at the Hollard office with hope in his eyes. He was only 7 years old when he...

Nie net sommer ‘airbrushing’ nie

1 week ago - 14 November 2019 | People

Yolanda NelEzville Husselman van Rehoboth kom uit ’n kunstige familie en nou het sy stokperdjie ’n volwaardige besigheid geword.Ezville is op Rehoboth bekend vir sy...

Bederf ’n boervrou

1 month - 16 October 2019 | People

Yolanda NelMiljoene dollar is reeds ingesamel om boere regoor die land by te staan gedurende die droogte wat honderde moedeloos laat. En nou is dit...

Die verhaal van Mamma Afrikaner

1 month - 14 October 2019 | People

Yolanda Nel Die eens kleurvolle gebou in Dolam, Katutura, kort dalk bietjie aandag maar binne skyn die harte van die mense helder. Moria Grace is...

Welkom terug, dr. Glen-Spyron!

2 months ago - 17 September 2019 | People

Windhoek • Gerine Hoff Vir die eerste keer in baie jare beskik Windhoek, en die land, oor ’n periodontis van ons eie met dr. Olivin...

Edgy young designer dreams big

2 months ago - 03 September 2019 | People

Windhoek • Yolanda NelWith a passion for fashion, this young designer is the talk of the town thanks to his extravagant, colourful outfits.Simeone Johannes has...

Changing faces at CAN

2 months ago - 25 August 2019 | People

There’s been some moving and shaking at the Cancer Association of Namibia, with two new staff members that recently joined the organisation.Sister Aina Nghitongo is...

Namibia's own Stevie Wonder

2 months ago - 25 August 2019 | People

Tanja Bause “My biggest dream in life is to be a radio presenter. I want to tell people stories and entertain them,” says Harry Rheeder...

Chasing dreams

2 months ago - 25 August 2019 | People

Walvis Bay • Leandrea Louw Soulful vocalist Vernice Plaatje (26) recently returned to Walvis Bay after a three-year internship at Hillsong South Africa. She...

Yes, yes, Yessonia!

2 months ago - 25 August 2019 | People

Swakopmund • Adolf KaureSwakopmund-born Sonia Shalukeni (31) aka Yessonia, is really making waves in the local music industry following the release of her latest singles.Yessonia...

Latest News

DSN honours athletes, guides and...

21 minutes ago | Sports

Disability Sport Namibia (DSN) hosts its ninth annual awards ceremony in the capital on Saturday.The event will see the athletes affiliated to the Namibia Paralympic...

Community soccer this weekend

30 minutes ago | Sports

The first edition of the All Stars Top Eight football competition starts at the Khomasdal Stadium in Windhoek on Friday.The tournament, held under the auspices...

Wanneer God praat

5 hours ago | Life Style

Yolanda Nel “Ek was besig om ’n lyn te verf en elke keer as iemand my onderbreek en ek opkyk, het ek my plek verloor....

With a haircut and a...

5 hours ago | Art and Entertainment

It was after a haircut seven years ago, that one entrepreneur gathered a group of women to learn all about natural hair and to exchange...

Say no to GBV

6 hours ago | Crime

The ministry of gender equality and child welfare launches this year’s 16 Days of Activism Against Gender-Based Violence (GBV) on Friday.The main event takes place...

Chill with Windhoek Express

7 hours ago | Art and Entertainment

Currently running• The exhibition Ephemera can be viewed at Goethe Institute until 22 November.• Celebrate the diversity of life, an art exhibition by Gerdis Stadtherr...

Namibia’s HESS instrumental in detecting...

7 hours ago | Science

After a decade-long search, for the first time scientists have detected a gamma-ray burst (GRB) in very-high-energy gamma light.This discovery was made in July last...

Waar Kalahari en Jazz ontmoet

1 day - 20 November 2019 | Art and Entertainment

Yolanda Nel Weggesteek in ’n eenrigtingstraat in die middestad, is ’n koffiewinkel met goeie koffie en heerlikehappies.Dit neem twee oproepe vir ons om by die...

Second freeway phase launched

1 day - 20 November 2019 | Infrastructure

Yolanda Nel Phase 2A of the Windhoek – Hosea Kutaku dual carriageway was officially launched on Monday.Roads and transport minister John Mutorwa said at the...

Load More