Die wêreld het kleur nodig!

'n Bietjie kleur is soms al wat 'n muur nodig het om nuwe lewe in 'n vertrek te blaas, en dit is presies wat 'n kunstenaar op Gobabis doen.

24 March 2019 | People

Ida Smith, kunstenaar; Ek wil graag vakansiegangers, veral toeriste, se gunstelingvakansiefoto's op skilderdoek vaslê.

Gobabis • Yolanda Nel



'n Kruispad het 'n kunstenaar gedwing om haar kunstalent voltyds uit te leef.

'n Jaar later is sy beslis nie spyt nie.

Hoewel Ida Smith al van kleintyd af teken, het sy haar passie vir skilder en verf 'n bietjie meer as 'n jaar gelede eers voltyds begin najaag.

“Ek het ontdek ek kan geld met my drome verdien,” sê sy opgewonde.

Dit het gekom nadat sy by 'n kruispad gekom het en gedwing is om 'n besluit te neem.

“Dit was toe tyd om eindelik voluit my kunstalent te gebruik en daarvan 'n lewe te maak – iets wat ek al lankal moes doen,” erken sy.

Ida glo die wêreld het kleur nodig en dat daar 'n behoefte is aan prentjies op vaal mure. “My inspirasie lê daarin om 'n ou oppervlak weer nuut te laat lyk met verf, of om 'n kaal oppervlak te kan omskep in een wat lewe.”

Vir haar is hierdie kuns baie terapeuties. Hoewel sy heeldag op haar voete is, raak sy nie sommer moeg nie. “Ek kan verf tot die son ondergaan en dit nie eens besef nie, want hierdie 'werk' geniet ek geweldig,” vertel sy.

Sy sê ook nooit “nee dankie” vir 'n uitdaging nie.

“Elke nuwe projek, soos 'n uitermatig hoë of groot muur, of 'n moeilike prentjie, gee my nuwe energie met hope adrenalien.”

Sy geniet dit terdeë om met kliënte te werk.

“Hulle het soms hul eie idees, maar ander soek weer raad,” sê sy. Die beste is wanneer kliënte vir haar sê 'hier is vir jou 'n muur, geniet jouself'. “Dan raak ek weer kind en speel is mos maar lekker,” lag sy.



Rondreis

Hoewel Ida op Gobabis woon, ry sy na waar ook al 'n muur haar hulp nodig het. “Ek ry graag die hele land vol en my 'Rooi Ferrari' - my betroubare Toyota Hilux, se wiele draai graag.”

Sy was die afgelope week by die kus en het al in Windhoek, Okahandja en Otjiwarongo, die mure gaan bont inkleur. “Ek versier ook graag kinderkamers en skole. Animasieprente verf baie lekker,” vertel sy.

Een van Ida se groot doelwitte is om elke lodge in die land te besoek en hul kaal mure uit te wys met idees vir moontlike sketse op mure.

Hoewel mure se verf 'n passie is, skep sy ook kuns op skilderdoek. “Ek wil graag vakansiegangers, veral toeriste, se gunstelingvakansiefoto's op skilderdoek vaslê, wat hulle dan kan oprol en saamneem na hul bestemming.”

Wat geniet Ida die meeste van haar werk?

“As ek 'n projek voltooi het, terugstaan en van ver af bekyk, asook die kliënt se tevredenheid,” sê sy trots.

As iets in haar broei, hou Ida haar lyf ook digter. Sy deel met ons 'n gedig oor haar kunswerk.

“My hoëhakskoentjies gaar stof op in my kas.

Plakkies moet leer kan klim en gemaklik pas.

My voete raak vuil soos die plaaskind binne my.

“Ek kon darem nog altyd seep en water kry.

My 'kantoor' se temperatuur kan ek nie kies.

Óf ek verbrand óf ek verkluim tot diep in my lies.

My skryfbehoeftes het my al stukkend gekou.

Ek moes al baie langer skryfgoed bou.

Hordes bye het my al amper weggedra.

Ek moes water gee en het mooi gevra.

Spierwit mure in die son het my al 'arc eyes' gegee.

Dan huil ek maar so bietjie sonder om moed op te gee.

My werkstyd hou nie altyd vyfuur op.

Soms moet ek tot donker op my leer rondhop.

Die lange leer van my was al te kort.

Gelukkig kon 'Rooi Ferrari' die hoogte uitsort.

Sterk wind het my al amper weggewaai.

Doer bo moet ek klou en nie te vinnig draai.

Ek geniet elke uitdaging van my werk.

Verf is duidelik op my hart gemerk.

Dis my passie en brood en botter . . . hard verdiend.

As jy dink verf is nie werk nie . . . ek daag jou uit my vriend . . .”

Indien jy 'n muur het wat aandag kort, besoek gerus Ida se Facebook-blad, Ida's art, of kontak haar by [email protected]

Similar News

 

Vlinders vlieg hoog

6 days ago - 18 August 2019 | People

Windhoek • Yolanda Nel Oulike babaklere het 'n manier om enige mamma-hart te laat smelt en ander broeis te laat. Juis daarom het 'n mamma...

Beauty queens aim to uplift others

1 week ago - 11 August 2019 | People

Walvis Bay • Leandrea Louw The reigning Miss Teen Walvis Bay, Dominique Bouwer, and the first ever Miss Pre-Teen Walvis Bay, Malinda Bam, discussed...

Alles wat mooi is

2 weeks ago - 04 August 2019 | People

Windhoek • Yolanda Nel As die ekonomie begin knyp, dan doen jy wat jy kan om 'n ekstra geldjie te verdien. Só het dit gebeur...

Oom Basil plant dat die biesies bewe

3 weeks ago - 28 July 2019 | People

Gerine Hoff Oom Basil Paris is ’n pensioenaris van Rehoboth wat glo hy is die eerste Namibiër wat ’n pynappel geplant het wat nou ’n...

The heart of a champion

3 weeks ago - 28 July 2019 | People

Walvis Bay • Adolf Kaure At the tender age of 15, Delano Müller has conquered the world of martial arts.Müller, who is currently a grade...

Deur God geseën

1 month - 21 July 2019 | People

Windhoek • Yolanda Nel Nadat 'n ma self ervaar het hoe vinnig babas uit hul klere groei, kon sy nie help om te wonder hoe...

'n Huis vol aapstreke

1 month - 14 July 2019 | People

Windhoek • Yolanda NelMet 'n behoefte aan mooi en unieke uitrustings vir kinders, teen 'n bekostigbare prys, het een mamma 'n entrepreneur geword toe sy...

Get yourself a sleepin', walkin', livin' doll

1 month - 07 July 2019 | People

Walvis Bay • Leandrea Louw In what can very much be described in the words of Cliff Richard and The Young Ones 1959-hit, “Living...

Silently moving through the city

1 month - 07 July 2019 | People

Windhoek • Lisa Plank Axel Conrad slips the key into the ignition of his SUV and turns it on.You can't hear a thing.“The engine is...

Through his lens

1 month - 30 June 2019 | People

Windhoek • Yolanda Nel With no experience or any knowledge of photography, an entrepreneur began looking­ at life differently ­after developing his first set of...

Latest News

Thomas, Armas victorious

5 days ago - 18 August 2019 | Sports

Windhoek • Limba MupetamiThe electrifying 19th edition of the Old Mutual Victory was won by Reinhold Thomas and Alina Armas in the respective men and...

City of angels

6 days ago - 18 August 2019 | Society

Tanja Bause “More and more kids in Namibia are being orphaned daily and fewer people are taking care of them,” says Bettie Hoakhaos (52) of...

Ongos on the go

6 days ago - 18 August 2019 | Infrastructure

The groundbreaking ceremony for the N$ 4.3 billion housing project of the Ongos Valley took place in the capital this earlier this week. A total...

Residents and |Gôagoses at loggerheads

6 days ago - 18 August 2019 | Infrastructure

Residents of Duneside informal settlement in Rehoboth’s Block E said they want their Town Council and the Rehoboth Urban East Constituency office to bring basic...

Good possibility for rain

6 days ago - 18 August 2019 | Disasters

Swakopmund • Erwin LeuschnerFor many Namibians, especially farmers, there may be a small glimmer of hope. The strong El Niño phenomenon, which is one of...

Giving hope to the destitute

6 days ago - 18 August 2019 | Social Issues

Walvis Bay • Leandrea Louw The Promiseland Trust, established in Walvis Bay in 2009, feeds more than 2 500 children across the town every day.Founded...

Vlinders vlieg hoog

6 days ago - 18 August 2019 | People

Windhoek • Yolanda Nel Oulike babaklere het 'n manier om enige mamma-hart te laat smelt en ander broeis te laat. Juis daarom het 'n mamma...

Agriculture in harmony with nature

6 days ago - 18 August 2019 | Environment

“Sustainability so often has negative connotations,” says Fabian von Hase. He finds the term “ecological health” more fitting.“Sustainable means that we do less harm to...

Prickly intruders

6 days ago - 18 August 2019 | Environment

Windhoek • Theresa Lang Gunhild Voigts carries gardening tools with her wherever she goes. Peek in her car and you will find rakes, saws and...

Load More