Ford Everest 2.0 Bi-turbo 4x4 XLT

Beter as die res

21 September 2020 | Motors

Kaapstad • Dirk Gallowitz

In Namibië, soos grootliks in die res van die wêreld, is sportnutsvoertuie die eerste keuse van meeste motorkopers. Terwyl die wêreldekonomie krimp, koop kopers al hoe kleiner, van daar die gewildheid van die kompakte SUV.
Dis dus geen verrassing nie dat die stryd tussen vervaardigers fel woed om die regte model teen die regte prys aan voornemende kliënte te bied. Namibiërs is bakkie mense, vandaar die gewildheid van dubbelkajuite, maar die sogenaamde bakkie geïnspireerde sportsnutse (sien dit maar as ’n stasiewa op ’n bakkie onderstel), oftewel avontuur sportsnutse, vaar ook uitstekend. Dink hier aan die Toyota Fortuner, Isuzu MAX, Mitsubushi Pajero Sport, ens.
Hier kraai die Fortuner koning, maar met Ford se onlangs opgekikkerde Everest 2.0 bi-turbo dieselenjin 4x4 met ’n 10-gang outokas, mag dit dalk net die Japanees se kroonposisie bedreig.
Ons toetsvoertuig was die LTD model en het standaard gekom met 18” sierwiele.
In die meer as ’n week wat die luukse wa by my gekuier het, kon ek my swaar beestreiler gelaai met perdevoer in die diksand plaaspaaie toets en was verstom met die gemak waarmee die Everest die byna 3-ton deur die uitdagings op die Sandveldplaas se rowwe terrein hanteer het.
Ek wil my verstout om te sê dat die Everest my die meeste beïndruk het van al die voertuie in hierdie segment waarmee ek die voorreg gehad het om in soortgelyke omstandighede te ry, en dit sal my eerste keuse wees as ek met so ’n SUV die veld moet gaan aandurf.
Op die pad was die gerieflike rit en stil kajuit, selfs op sinkplaat geriffelde grondpaaie, indrukwekkend en is die Everest myns insien hier die segmentleier.

Opgekikker
Ford doen gereeld opknappings en verbeterings aan sy modelle, met die Everest wat laat laasjaar ook onder die mooimaakmes deurgeloop het.
Verbeterings sluit in die nuwe 2 liter bi-turbo enjin wat nou ook aan ’n 10-spoed outomatiese ratkas gekoppel is om krag na al vier die wiele te stuur. Ook die veerstelsel en onderstel is verfyn wat in die nuweling sorg vir verbeterde paddinamika, ritgehalte en natuurlik ook veldryvermoë.
Volgens Ford is dit danksy die herposisionering van die teenrolstaaf. Die resultaat is wat ons betref ’n voertuig wat die standaard stel vir die mees gemaklike SUV in hierdie segment. Die stuurgevoel is skerper, beter en as jy die ou grote deur die draaie looi, is bakrol merkbaar minimaal.
Die alarm is verbeter met ’n Thatcham kamerastelsel om meer veiligheid te bied teen inbrekers. Binnekant het die goeie afwerking, duursame sagte materiale en hoë vlakke van standaard veiligheids- en ander tegnologiese geriefies by ons LTD model beïndruk. Aanpasbare spoedbeheer, blindekol monitor, en baanhou beheer (lane keep assist) is deel van die aktiewe veiligheidstelsels in die Everest LTD.

Veiligheid
Passasierveiligheid het ook aandag gekry en die Everest 2.0 bi-turbo 4x4 XLT is standaard toegerus met sewe lugsakke, stabiliteitsbeheer, heuwel wegtrekbeheer en verbeterde omrolstabiliteit.
Op die pad en in die veld is die nuwe 2.0 bi-turbo diesel wat 157kW en 500Nm maksimum kragte lewer met die 10-spoed outokas, ’n groot verbetering op die 3.2 liter 5-silinder 6-gang outomaties. Nie net is versnellerreakies vinniger nie, die ratkas voel optimaal gunstig wanneer daar wringkrag in die veld teen lae toere benodig word, of wanneer teen topsnelheid ’n voertuig op die ooppad verbygesteek moet word. Die gemaklikheid waarmee die 2.0 liter diesel versnel en deur uitdagende terrein trek, het ons verbaas gegewe dat dit slegs ’n 2.0 liter enjin is wat die groot luukse lyf van die Everest rondsleep.
Ook brandstofverbruik is met die nuweling verbeter. Ford se amptelike verbruiksyfer in ’n gemengde siklus is 7,6l/100km. Ons kon egter slegs 8,9l/100km gemiddeld oor die totale afstand van bykans 2 800km afgelê aanteken. Dit sluit in die sleepwerk, sandry asook lang afstande op die ooppad. Indrukwekkend nietemin.

Segmentleier
Binnekant is die Everest die segmentleier wat grootte en passasierruimte betref, danksy die Ford se dimensies buite wat langer, hoër en breër is as sy teenstanders in die bakkie-gebaseerde SUV segment. Boonop bied die Everest die langste wielbasis in sy segment. Die resultaat is ruim kop-, skouer- en beenspasie vir al sewe insittendes wanneer die 2de ry sitplekke vorentoe geskuif word. Die rugleunings van die 2de ry kan ook skuins agtertoe verstel word vir ’n gemaklike leunstoel-tipe gemak. Word die 3de ry sitplekke platgeslaan, bied die reuse laairuimte meer as genoeg spasie vir vyf insittendes se baggasie vir ’n wegbreeknaweek. Slaan jy boonop die 2de en 3de rye gelyktydig plat, kan ’n bergfiets gemaklik inpas asook naweek bagasie vir ’n klein gesin.
Die kajuit bied heelwat klein pakplek vir drinkbottels en ander snuisterye asook aparte lugversorging en verstelling vir agterste insittendes.
Die Infotainmentstelsel is wat ons betref ook klasleidend en werk met Ford se opgegradeerde SYNC3 en is die ikoon-beheerbare menu intuïtief en maklik om te gebruik. Die klank- en kommunikasiestelsel kan met behulp van Apple Carplay of Android Auto gekoppel word. Die SatNav stelsel bied boonop toegang tot veldrykaarte. Praktiese geriefies soos 2 x USB koppelpunte voor maak die lewe gemakliker. ’n 220v kragpunt vir die 2de ry sitplekke soos in die Limited topmodel sou egter ’n pluspunt wees.
Tans speel die Ford Everest tweede viool wanneer dit kom by verkope. Ons is egter van mening dat die opgedateerde Everest tans die beste SUV in sy segment is danksy ’n beter ritgehalte en ratkas, beter veldryvermoë asook groter spasie vir insittendes.
In geheel beskou is die Everest meer ’n meer gevorderde voertuig as sy huidige teenstanders.

Similar News

 

Get your JAC here

2 months ago - 19 November 2021 | Motors

In October, JAC Motors South Africa appointed four new dealers, increasing its total number of dealer outlets to sixty. Since opening in September, the outlet...

Keeping Namibians on the move

2 months ago - 16 November 2021 | Motors

Bank Windhoek awarded salespersons and dealerships in the motor vehicle industry during its annual Selekt Sales Awards ceremony hosted in the capital recently.The awards recognised...

Usain Bolt in ’n Shrek-kostuum

3 months ago - 13 October 2021 | Motors

Kaapstad • Dirk GallowitzDie “M”-kenteken het oor die jare gesorg vir ikoniese verrigtingmotors wat wêreldwyd met uitsonderlike sukses die renbane aan die brand gejaag het.Die...

’n Eerlike bakkie

4 months ago - 24 August 2021 | Motors

Isuzu Suid-Afrika sal die lankverwagte nuwe Isuzu in 2022 plaaslik bekendstel, maar intussen verkoop die effe goedkoper X-Rider modelle fluks.Ons het onlangs ’n pragtige bloedrooi...

All new Navara makes Namibian debut

5 months ago - 17 August 2021 | Motors

Nissan announced the launch of the all-new Nissan Navara in Namibia today.The new pickup delivers an enhanced level of safety, comfort and driving pleasure, while...

Werkesel het ’n netjiese aandpak

6 months ago - 24 June 2021 | Motors

Kaapstad • Dirk GallowitzMet bakkie pryse, veral die luukser dubbelkajuitmodelle, wat die hoogte inskiet, begin meeste vervaardigers die lig sien om goedkoper alternatiewe in die...

2021 Santa Fe nou meer begeerlik

7 months ago - 03 June 2021 | Motors

Kaapstad • Dirk GallowitzDie 2021 Hyundai Santa Fe is die vierde generasie van die Koreanse motorvervaardiger se vlagskip SUV wat in 2018 plaaslik bekendgestelel is...

Die SUV-stryd woed voort

7 months ago - 27 May 2021 | Motors

Kaapstad • Dirk GallowitzKIA Motors het onlangs sy reeks van klein familievoertuie uitgebrei met die bekendstelling van die oulike Sonet.Die kompakte SUV segment is uiters...

My (amper) ideale klein sportsnuts

8 months ago - 19 May 2021 | Motors

Kaapstad • Dirk GallowitzPersoonlike smaak is presies dít: persoonlik. Waarvan jy hou gaan heel waarskynlik verskil van my gunstelinge, en dankie tog, want dis hoekom...

Heading out this Easter?

9 months ago - 01 April 2021 | Motors

Going away for the Easter weekend can be both daunting and exciting, especially if you have a big family. If you have little ones, you...

Latest News

Chill with Windhoek Express

18 hours ago | Art and Entertainment

Recurring events• 07:00 Bio-Markt / Green Market at the Stephanus Church (Dr Kenneth Kaunda Street) in Windhoek until 12:00 every Saturday.• 16:00 Coffee and Cake...

Festival of classics at COTA

18 hours ago | Art and Entertainment

One of Namibia’s most gifted pianists, Johann van der Merwe, hosts a performance tomorrow (22 January) to raise money to support the Cancer Association of...

Raging river sweeps cars away

19 hours ago | Weather

Windhoek • [email protected] Elisenheim River swept motor vehicles away late on Wednesday night when a flash flood sped past the Farmers Kitchen restaurant at the...

La Niña still on a...

19 hours ago | Weather

Grootfontein • [email protected] the met office issued a warming for today for widespread thunderstorms over the western half of the interior, a meteorologist believes the...

Onreëlmatighede vertraag die aanstelling van...

19 hours ago | Local News

Windhoek • [email protected] hoofstad se burgemeester, Sade Gawanas, sê daar is beweerde onreëlmatighede met betrekking tot die werwing van Stad Windhoek se uitvoerende hoof wat...

Judges dismiss same-sex marriage

1 day - 20 January 2022 | Local News

Jana-Mari SmithThree Windhoek High Court judges have dismissed the application by two Namibians and their foreign born spouses to have their marriages recognised in Namibia,...

Vyf damme kry water

1 day - 20 January 2022 | Environment

Elvira HattinghTeen gistermiddag om 14:50 het die Hardapdam nog sowat 289,3 m³ water per sekonde ingekry, terwyl nog drie ander nasionale damme sedert Maandag ‘n...

Am Weinberg joins Gondwana Collection

1 day - 20 January 2022 | Business

Come 1 February and the Am Weinberg Hotel will join the Gondwana portfolio in a management capacity. According to CEO Gys Joubert of Gondwana Collection...

Cycle lanes progressing well

2 days ago - 19 January 2022 | Infrastructure

The City of Windhoek in collaboration with the Deutsche Gesellschaft für Internationale Zusammenarbeit (GIZ Namibia) continue working towards sustainable mobility in the city.Together, the parties...

Load More