Hyundai se nuwe Venue

Die regte plek om te wees

11 December 2019 | Motors

Kaapstad • Dirk Gallowitz
Kompakte es-joe-wees is tans die gewildste onder motorkopers. Ekonomies, bekostigbaar en moderne vervoer waarmee weeksdae die tekkie op die teerpad tjank en naweke en vakansies die stofpaaie verken kan word.
Volkswagen het onlangs sy klein T-Cross bekendgestel en dit blyk op die oog af so gewild soos pannekoek by die kerkbasaar te wees. Veral onder die jonger generasie motorkopers.
Hyundai het sopas sy antwoord daarop in die A-segment bekendgestel. Die nuweling staan bekend as “Venue“ en die Koreaanse vervaardiger brei daarmee sy reeks sportnutse uit tot ses modelle.
Met die Kona, Creta en Tucsan wat in grootte en prys bo die Venue in die Hyundai-hiëragie geplaas word, bied die nuwe motor aan kopers egter ’n waarde proposisie teen ongeveer N$300 000, sonder om styl en toerusting in te boet.
Die Venue word in Indië gebou en het vroeër vanjaar reeds aandag getrek toe dit tydens die New York motorskou gedebuteer het.

Avontuurgerigte ontwerp
Terwyl die Venue kompak en relatief klein in statuur vertoon, spreek die moderne styl, avontuurgerigte ontwerp en praktiese afwerking van forse aggressie en pretsoeker-“persoonlikheid”, eerder as wat dit net ’n stofpadtrapper of stadsploeter wil wees.
Die sy-aansig het sterk trekke na Volvo se stylvolle XC40, terwyl die vooraansig gedomineer word met die forse, ja selfs brutale, sierrooster in die ontwerptrant van hedendaagse Duitse luukse waens. Die Venue se sterkste teenstanders is egter meer die VW T-Cross, Ford Ecosport, Mahindra XUV300 en selfs Renault se Captur.
Agter is die lyne sterk, maar skoon met ’n konkawe agterklap en treffende ligontwerp wat die oog streel.
Met die Venue wat as Hyundai se goedkoopste sportsnuts in hul SUV-modelreeks wegtrek, hoop die Koreaanse vervaardiger dat die nuweling byval sal vind onder jong, energieke en avontuurlustige kopers.
Hyundai het drie modelle plaaslik bekendgestel naamlik die intree “Motion”, ’n middelvlak “Fluid” en die topmodel “Glide”.

Verrigting
Soos tans die geval is in die segment waarin die Venue kompeteer, gebruik Hyundai nou ook ’n 1.0 liter, 3-silinder turbopetrol enjin. Die Kappa 1.0 T-GDI enjin is egter die enigste enjin kragbron in al drie modelle beskikbaar, maar kopers kan kies tussen ’n 6-spoed handratkas of 7-spoed dubbelkoppelaar (DCT). Aandrywing is slegs deur die voorwiele.
Die 1.0 liter enjin is soortgelyk as die wat in die groter Kona gebruik word en lewer 88kW teen 6000rpm en 172Nm (1500 – 4000rpm) se piekkragte wat in die ligter Venue vir wakker verrigting op die pad sorg.
Ons kon tydens die onlangse bekendstelling beide ratkaste beproef oor van die mees uitdagende Bolandse bergpasse en ek was verstom hoe gemaklik en vinnig die oorskakelings van die DCT ratkas is. Dit is duidelik dat Hyundai se voortdurende ontwikkeling van hul “direct-shift” outomatiese ratkasse vrugte afwerp, want die 7-spoed DCT van die Venue is ’n juweel en staan geensins in die skadu van VW se toonaangewende DSG-outomatiese ratkas nie.
Die DCT outokas is dan ook my gunsteling, ten spyte van die bykans N$30 000 pryspremie bo die handrat modelle.
Amptelike brandstofverbruik word aangegee as 6,5l/100km vir die handrat modelle, terwyl die DCT weergawes 6,9l/100km gebruik in ’n gemengde siklus van stad- en ooppadry.

Op die pad
Met die Venue se effe hoër grondvryhoogte was dit te wagte dat paddinamika negatief beïnvloed sou word, maar die nuweling se onderstel en veerstelsel is effe aan die fermer kant ingestel met die stuur net genoeg belaai vir goeie terugvoer en gevoel deur die draaie. Greep deur die vinnige swiepe en kort draaie van Franschhoek-pas was verbasend goed, terwyl balans en algehele paddinamika ons beïndruk het. Selfs die remme het ná talle harde remsessies steeds vertroue ingeboesem.
Ons het in dieselfde tyd VW se T-Cross in R-Design getoets en kon die twee teenstanders direk met mekaar vergelyk. Ons was verras om te vind dat die Venue nie net dinamies beter gevaar het as die T-Cross nie, maar ook ’n veel meer gesofistikeerde en stiller rit as die meer gerekende Duitser gebied het.
Die T-Cross se bandprofiel was weliswaar laer, maar die veerstelsel het tekortkominge uitgewys wanneer oor spoedwalle gery was.

Binne
Die kajuit van die Venue is heel ruim vir ’n kompakte sportsnuts en bied sitplek vir vyf insittendes, hoewel die rugby eerstespan se voorry maar moeilik op die agtersitplek sal pas. Die laairuimte kan 350 liter se bagasie neem.
Die praktiese binneruim is goed uitgelê en grotendeels afgewerk met harde materiale. Tog vertoon die kajuit geensins goedkoop of swak afgewerk nie, met gemaklike sitplekke wat in sagte, duursame materiaal beklee is.
Tydens die bekendstelling het ons net die “Fluid” en “Glide” modelle bestuur wat beide relatief goed toegerus is.
Die raakskerm infotainment-stelsel by beide modelle is opvallend en so ook die skoon uitleg van die skakelaars en verstelknoppe op die middelkonsole. Die kleurraakskerm bied toegang tot ’n omvattende reeks hulp, inligting en vermaakfunksies asook Android Auto/Apple Carplay koppeling vir slimfone, met die “Glide” wat klimaatbeheer, sleutelose aan/afskakel, LED-ligte wat om hoeke kan skyn as jy draai, LED dagryliggies asook voorste kolligte as standaard toerusting insluit.

Veiligheid
Die Venue word toegerus met verskeie standaard veiligheidstoerustings wat insluit ABS remme, ses lugsakke (twee voor, twee kant- asook twee gordyn-tipe aan die sykante) vir die Fluid en Glide modelle. Daar is ook Isofix-koppelpunte vir babastoeltjies.
Terwyl die intree model net twee lugsakke voor bied, kry al die modelle elektroniese stabiliteitsbeheer (ESC) met elektroniese remkragverspreiding (EBD) asook remhulp wanneer die motor ’n noodstop moet maak. Al die Venue-modelle kom ook standaard toegerus met heuwelwegtrekhulp (HSAC).

Ten slotte
Hyundai se Venue is verseker die regte produk op die regte tyd vir die Koreaanse vervaardiger se modelreeks. Nie net is dit die beste teenvoeter vir die baie gewilde VW T-Cross wat goed doen nie, dit is na ons mening in meeste opsigte beter as die Duitse buksie. Die enjin lewer beter verrigting met daai DCT outokas wat seepglad en blitsvinnig oorskakel, selfs wanneer jy hom platvoet looi!
Verder hanteer die Venue beter en voel meer afgerond op die pad met ’n stiller kajuit en gemakliker sitplekke. Die tjêrrie oppie koek is Hyundai se gemoedstrelende waarborg en diensplan.
Dis net daai naam – vertel jy nou vir my hoe vra mens ’n karwag by die mall om jou te help soek na jou “Venue”as jy as hom ge-“misplace” het?

Similar News

 

The Beast hits Namibian soil

2 weeks ago - 29 June 2020 | Motors

In spite of the havoc that the coronavirus has created, Auas Motors now debuts the first Isuzu D-Max Arctic AT35 in Namibia.The limited edition 3-litre...

Nuwe Toyota Corolla – die staatmaker nou nóg beter

1 month - 01 June 2020 | Motors

Kaapstad • Dirk GallowitzDie wêreld sonder ’n Toyota Corolla is omtrent soos ’n leefstyl sonder rugby en braaivleis – dit is nou in ’n Suid-Afrikaanse...

Isuzu brei D-Max 250 reeks met outokaste uit

4 months ago - 13 March 2020 | Motors

Kaapstad • Dirk Gallowitz Toe General Motors – wat Isuzu bakkies plaaslik versprei het – in 2017 uit SA onttrek, was Isuzu-eienaars bekommerd dat die...

Making its mark in Namibia

4 months ago - 02 March 2020 | Motors

Nors is a Portuguese group whose vision is to be a world leader in transport solutions, and construction and agricultural equipment. In Africa, the Nors...

Renault verras met bekostigbare Triber

4 months ago - 28 February 2020 | Motors

Durban • Dirk GallowitzDit bly effe van ’n goëlbal – dis nou daai aflewering wat jou só tref dat jy wonder waar het jy dit...

Cars need speed control devices – NUDO

4 months ago - 28 February 2020 | Motors

Acting secretary general of the National Unity Democratic Organisation (NUDO) Youth League, Veparura Kandirikirira wants speed limiting and emergency braking technologies fitted in all cars...

Warm Hyundai i30N laat harte vinniger klop

4 months ago - 20 February 2020 | Motors

Kaapstad • Dirk GallowitzDrie jaar ná die i30N in 2017 by die Frankfurt Motorskou sy buiging gemaak het, is dit begin Februarie ten einde laaste...

Volkswagen T-Cross – Prettige buks wat harte verower

5 months ago - 31 January 2020 | Motors

Dirk GallowitzTerwyl motorkopers wêreldwyd na bekostigbare kompakte sportsnutse neig wat suinig op die beursie loop, sal vervaardigers wat daarin slaag om die regte kombinasies in...

Mahindra se Pik (me) Up S11

5 months ago - 23 January 2020 | Motors

Dirk GallowitzMahindra het sopas hul Pik Up S11 met outomatiese ratkas in Suider-Afrika bekendgestel – die eerste land in die wêreld om dit te doen.Mahindra...

New look for TrenTyre

8 months ago - 12 November 2019 | Motors

TrenTyre officially re-opened doors to its revamped Windhoek branch last weekend and amongst the changes that customers can look forward to, are a modernized look...

Latest News

Housing remains vastly inadequate

15 hours ago | Local News

Windhoek • [email protected] it was projected that Namibia would be 66% urbanised by 2020, the powers that be failed to respond through appropriate strategies to...

Bosses beware – scammers at...

16 hours ago | Crime

Nampol has warned members of the public, personal assistants to chief executives and managing directors, as well as CEOs and MDs themselves, to be weary...

Airport expansion: Cabinet satisfied with...

17 hours ago | Infrastructure

The cabinet committee overseeing the expansion of Hosea Kutako International Airport is satisfied with the progress made so far, the Namibia Airports Company (NAC) announced...

Miller and Vorster race to...

17 hours ago | Sports

Alex Miller and Michelle Vorster were crowned Nedbank National Mountain Bike (MTB) champions after impressive individual performances on Sunday.Miller, who a week ago lost the...

NHRA reschedules events

17 hours ago | Sports

The new horse racing calendar was set at the Namibia Horse Racing Association’s (NHRA) extraordinary meeting held in Okahandja on Saturday.Every year, various horse racing...

Cement donation aids affordable housing

3 days ago - 10 July 2020 | Social Issues

The Kalahari Constituency Office donated 500 bags of cement and a 10 000 litre water tank to the Nossobville Housing and Development Committee yesterday. The...

Huis Maerua kort jou hulp

3 days ago - 10 July 2020 | Local News

Windhoek [email protected] 22 kinders in hulle sorg wat wissel van 2 jaar tot 20, het Huis Maerua jou hulp nodig om te verseker hierdie kinders...

The future of work

3 days ago - 10 July 2020 | Opinion

Windhoek • Sergio de SousaAs the world of work changes, we look at what you can do to survive and thrive. Here are my predictions...

Finances handicap 2018 CoW housing...

3 days ago - 10 July 2020 | Local News

Windhoek • [email protected] City of Windhoek (CoW) housing initiative of two years ago is yet to materialise, with themunicipality laying the blame on financial constraints.This...

Load More