Kan Namibiërs 'n les leer?

Kapenaars reageer sterker op waarskuwing van leë krane as op waterbeperkings

17 December 2018 | Disasters

Waarskuwings oor krane wat op Dag Zero leeg sou loop, het 'n veel groter impak op Kapenaars se waterverbruik gehad as waterbeperkings.

Dít is een van die bevindinge van 'n studie deur navorsers aan die Universiteit Stellenbosch (US) en die Universiteit van Kaapstad (UK). Die studie is onlangs in die aanlyn-weergawe van die vaktydskrif Water Research gepubliseer. Die gedrukte weergawe sal in Februarie 2019 verskyn.

“Ons bevindinge dui daarop dat Kapenaars sterker op die waarskuwing van leë krane as op waterbeperkings gereageer het,” sê een van die navorsers, prof Thinus Booysen, van die departement elektriese en elektroniese ingenieurswese aan die US. “Ons slim watermeterdata gekombineer met kostedata van die Stad Kaapstad dui op 'n merkwaardige sukses aan die kant van inwoners om hul verbruiks-patrone oor 'n relatief kort tydperk te verander.”

Booysen het die navorsing saam met Martine Visser van die UK Skool vir Ekonomie en Ronelle Burger van die US se Departement Ekonomie gedoen.

“Uit ons studie blyk dit dat hoewel bangmaakstories 'n riskante strategie vir die Stad Kaapstad was, dit moontlik die mees suksesvolle intervensie was om Kapenaars se gedrag rakende waterverbruik te verander.”



Volgorde van gebeure

Booysen en sy medenavorsers het gekyk na die volgorde van gebeure wat in 2017 en 2018 tot Kaapstad se beweerde Dag Zero gelei het.

Hy sê hul studie toon daar was 'n toename in waterverbruik ná die eerste week van September 2017 toe vlak 5-beperkings geïmplementeer is en ná 31 Januarie 2018 toe vlak 6B-beperkings ingestel is.

Hy meen drie gebeure in die eerste twee weke van Augustus kan moontlik die oënskynlike afplatting en die daaropvolgende afname in die laaste gedeelte van Augustus verklaar: die nasionale regering het die Stad Kaapstad gekritiseer oor sy trae reaksie op die droogtekrisis; die Stad het gedreig om waterbeperkingstoestelle te installeer vir diegene wat baie water gebruik; en die jaarlikse blommeskou aan die Weskus is weens die droogte gekanselleer.

Booysen sê 'n week ná die aankondiging van die rampplan, het die verskil tussen die streke begin toeneem en is 21 liter per dag bereik in die eerste week van November, wat op 'n aansienlike vermindering in Kapenaars se waterverbruik dui. Teen middel November, ná die ingryping van die premier en die nasionale minister, het die verskil aan die begin van die vakansie (6 Desember 2017 tot 7 Januarie 2018) tot 6 liter per dag afgeneem.

“Ná die vakansie, wat met die implementering van vlak 6-beperkings saamgeval het, het die verskil tussen die groepe geleidelik toegeneem en is 33 liter per dag bereik in die laaste week van Januarie 2018, aangesien Kapenaars minder water gebruik het in reaksie op die dreigende krisis en die instelling van vlak 6B-beperkings.

“Maar na die tweede week in Januarie was daar 'n geleidelike toename in verbruik tot vlakke hoër as voor die vakansie. Hierdie toename het 'n piek bereik kort nadat die Stad vlak 6B-beperkings aangekondig het. 'n Verdere vermindering het gevolg op die implementering van vlak 6B-beperkings op 1 Februarie, waarna waterverbruik 'n plato bereik het en effens toegeneem het met die aankondiging op 22 Februarie dat Dag Zero tot Julie uitgestel is.”



Sosiale media

Die navorsers het ook reaksies in die hoofstroommedia en op sosiale media op aankondigings van die regering ontleed deur te kyk na uitdrukkings wat met waterbeperkingsvlakke en die vrees vir die droogte en sy gevolge verband gehou het.

Hulle het gesoek vir woorde soos “vlak 5 of vlak 5-beperkings of vlak 5-waterbeperkings of waterbeperkings”, “versamelpunte”, “ramp”, “krisis”, “gebottelde water” en “boorgat”.

“Ons wou aspekte rondom die toename in die publiek se omgang met die waarskuwing van leë krane identifiseer ten einde te verstaan hoe Kapenaars die stortvloed kennisgewings en nuus tydens die krisis gehanteer het,” sê Booysen.

“Ons ontleding van die terme wat vanaf Augustus tot Oktober 2017 gebruik is, toon die reaksie was die grootste toe 'n driefase-rampplan wat oor die rampspoedige gevolge gewaarsku het, aangekondig is en nie toe beperkings of tariefverhogings ingestel is nie. Gedurende die week voor die daling in waterverbruik was daar 'n toename in uitdrukkings wat met paniek oor die droogte verband gehou het. Daar was 'n afname in terminologie oor vlak 5-beperkings. Skerp stygings in die frekwensie van woorde rakende paniek oor die droogte het egter nie met die aankondiging oor vlak 5-waterbeperking op 3 September oorvleuel nie.”

Booysen sê dié stygings skep die indruk dat die aankondiging van strenger waterbeperkings moontlik 'n geringer effek gehad het as die mediawaansin en bangmaakstories wat op die vrystelling van die rampplan vir kritiese watertekorte gevolg het. Dié plan het gefokus op die risiko van krane wat leeg sou loop, die moontlikheid dat mense by versamelpunte in rye sou moes staan vir waterrantsoene, en die verhoogde bedreiging van brande en siektes in digbewoonde nedersettings.

Similar News

 

Otjivero on its last legs

4 months ago - 27 August 2018 | Disasters

Yolanda Nel - With low water sources in the East of the country, the situation is currently being carefully managed by NamWater.“The run dry date...

Dorp se krane word styf gedraai

5 months ago - 20 August 2018 | Disasters

Yolanda Nel - Watertoevoer van die grootste dam in die Gobabis distrik is stopgesit ná die nuutste NamWater-damverslag daarop dui dat die Otjiverodam op 8%...

Brakwater-gesin se huis brand af

1 year - 21 September 2017 | Disasters

’n Gesin van Nubuamis in Brakwater het verlede Sondagaand al hul aardse besittings verloor toe hul huis afgebrand het.Die huiseienaar, Julieth Tjiondo, het gesê haar...

Billions needed for water system

1 year - 17 August 2017 | Disasters

Yolanda NelIt will cost between N$10 and 12 billion to obtain a long-term water supply for the central area.This according to Hugh Bruce of Lund...

Water reserves safe – for now

1 year - 20 July 2017 | Disasters

Windhoek and its surrounds have enough water to last for the next two years – but only if residents use it cautiously.This according to Cabinet...

Festive greetings from the WE team

2 years ago - 15 December 2016 | Disasters

This is the last edition of Windhoek Express for 2016. WE would wish to use this opportunity to wish you and your loved ones a...

Academia

2 years ago - 20 October 2016 | Disasters

A partly new committee to oversee safety in Academia for the next year, was elected at the annual general meeting on 6 October. Rassie Erasmus...

Cartoon 20 October

2 years ago - 20 October 2016 | Disasters

Mus Musculus

Tourism expo moves to later date

2 years ago - 20 October 2016 | Disasters

Namibia Media Holdings last week announced that the dates of the 2017 Namibia Tourism Expo, as previously published,have changed. Due to the Durban Tourism...

Latest News

Let Chalk do the talking...

13 hours ago | Sports

Yolanda Nel - All the way from Finland, this professional gymnast opened a club in Windhoek that focuses on the sport and performance training.Fanni Duncan,...

Hengelkampioene deel hul kennis

13 hours ago | Sports

Gerine Hoff - Saterdagoggend het lede van die Benguella-hengelklub en lede van die publiek aangesluit vir 'n aasaanbiedingskliniek wat deur pa-en-seun Etienne en André-Louis Stipp...

Mammadu celebrates successes

1 month - 17 December 2018 | Society

After two months and three weeks of noise and dust, a new eating area, activity room, classroom and shaded parking is complete at the Mammadu...

Christmas lunch for Windhoek’s elderly

1 month - 17 December 2018 | Government

Windhoek’s mayor last week hosted a Christmas lunch for the city’s elderly residents at the Katutura multipurpose centre field.Speaking at the event, mayor Muesee Kazapua...

Be safer this festive season...

1 month - 17 December 2018 | Crime

Just in time for the festive season, the MakeANoise initiative launched a personal safety alarm in Windhoek on Friday.MakeANoise is a community safety and crime...

Reho bejaardes met Kersete bederf

1 month - 17 December 2018 | Society

Boet MatthewsDit was Woensdag ’n miernes van mense toe die Heilige Hart van Jesus-kerk sy jaarlikse Kersete by die St. Joseph-skoolsaal op Rehoboth gehou het,...

Mile 8 comes alive

1 month - 17 December 2018 | Art and Entertainment

Yolanda Nel - With 30 years’ experience in the kitchen, this well-known MasterChef judge and chef in own right, decided to pen a cookbook in...

’n Slang in die...

1 month - 17 December 2018 | Local News

Yolanda Nel - Ná ’n hondjie sy mense-familie van ’n moontlike sebraslang-aanval gered het, het die buurtwag vir hom ’n baie spesiale toekenning gegee.Simba, die...

Road accidents on slow decline

1 month - 17 December 2018 | Accidents

Yolanda Nel - Safety, security and law enforcement remain important, especially in this time of the year.Inspector-general of the Namibian police force, Sebastian Ndeitunga, said...

Load More