My (amper) ideale klein sportsnuts

Volvo XC40 D4 R-Design AWD

19 May 2021 | Motors

Kaapstad • Dirk Gallowitz

Persoonlike smaak is presies dít: persoonlik. Waarvan jy hou gaan heel waarskynlik verskil van my gunstelinge, en dankie tog, want dis hoekom daar die motorbedryf soveel modelvariante wêreldwyd verkoop word.
Volvo se kleinste sportsnuts is een van my gunstelinge. “Klein” is ook al ’n relatiewe begrip aangesien die XC40 nou ook darem nie die Ignis of Picanto klein is nie.
Die dag toe ek die XC40 in ontvangs neem, was dit langs sy groter XC60 geparkeer en tot my verbasing, het ek opgemerk die twee modelle staan ewe hoog van die grond af en daar is slegs ’n kleinerige verskil in breedte.
Die XC40 is al so twee jaar met ons en ding op gelyke voet mee in die luukse afdeling van hierdie segment met onder meer die BMW X1, Audi X3 en Mercedes se GLA en GLB.
Die ideale voorkoms vir my, is ’n hoekige ontwerp en sterk lyne wat die oog tref. Verder spreek die forse vooraansig, mooi lighulsontwerpe en groot, pragtige sierwiele van die R-Design afwerkingsvlak van ons blougrys (Thunder Grey Metallic) toetsmodel, van doelgerigte sportiewiteit. Met die uitsondering van Peugeot se 2021 3008, seker die mooiste kompakte sportsnuts tans beskikbaar.

Goed deurdink
Moderne Volvo motors stel die standaard vir goed deurdinkde, moderne kajuite waar skoon lyne, sinvolle uitleg en uitstekende afwerking saamsmelt in topgehalte binneruime met ’n ambiaans van rustige weelde. Die topmodel XC40 D4 R-Design is geen uitsondering nie. Daar is dubbelle stikwerk, sagte leer, ’n moderne raakskerm wat vertikaal middel in die voorpaneel gemonteer is, met selfs die rathefboon en ritmodus skakelaar wat van styl spreek.
Met omvattende standaard kommunikasie-, klank-, veiligheid- en bestuurdershulpstelsels wat satellietnavigasie en parkeerkameras insluit, voldoen die XC40 aan meeste van die vereistes in hierdie hoogs mededingende segment.
Daar is onder meer sleutellose aanskakel en toegang, ’n koordlose laaiblad vir slimfone, en ’n selfstopfunksie wat met behulp van ’n radarkamera in die neus vanself rem en stop wanneer ’n voetganger of dier voor die voertuig verby wil beweeg. Met “Lane Keeping Aid” en “Driver Alert Control” hou die stelsel die bestuurder in die baan en wakker!
Ideale sitposisie agter die verstelbare leeroorgetrekte stuurwiel verseker uitstekende uitsig rondom die kajuit. Daar is genoeg kop-, skouer- en beenruimte vir vyf volwassenes – dalk is die tweede ry meer geskik vir drie tieners – maar dan sal ’n sleepwaentjie of dakrak die naweekbagasie moet help karwy.
Op die pad is die kajuit stil, uitstekend geïsoleer teen pad- enjin- en windgeraas.
Die ideale kajuit vir my.

Beproefde enjin
Ons toetsvoertuig was toegerus met Volvo se beproefde 2.0 liter viersilinder turbodieselenjin wat in D4 spesifikasie maksimum 140kW en 400Nm wringkrag lewer wat krag met behulp van ’n 8-spoed outomaties ratkas na al vier wiele stuur. Volvo se amptelike verbruik word aangegee as 5,0 l/100km, maar ons beste syfer wat ooppad, grondpad en selfs dik sand ingesluit het, kon slegs 5,9l/100km haal. Steeds uitstekende verbruik vir hierdie kompakte sportsnuts.
Die dieselenjin is wakker met lewendige verrigting wanneer die regtervoet swaar raak.
My ideale enjin in hierdie segment.
Op die pad het die XC40 D4 R-Design AWD beïndruk, met goeie hantering op teer sowel as grondpad. Veral op laasgenoemde het die Volvo se greep en stabiliteit my matelose bestuursgenot verskaf. Op die plaas het ek dit selfs gewaag om die Sweed te beproef op die sandpaadjies waar die dik warm Sandveldsand menige viertrekbakkies gereeld troef. Sonder om die banddruk (2 bar) te verlaag en met net die traksiebeheer afgeskakel, het die Volvo tot my verbasing moeiteloos oor die dik sand gesweef sonder enige wieltol.
My ideale kompakte avontuur sportsnuts.
Wat egter nie ideaal is nie, is die Volvo XC40 D4 R-Design AWD se prys.
Soos getoets, kos die Volvo meer as N$880 000 wat BTW en CO₂ belasting insluit. Terwyl die prys mededingend is vir wat die XC40 bied, is dit egter helaas onbekostigbaar vir die jong, klein gesin vir wie die kompakte sportsnuts ideaal sou wees.
Moet ek egter kies tussen die X1, Q3 of GLB/GLC, sal die Volvo XC40 D4 R-Design AWD steeds my eerste keuse wees.
Ingesluit by die prys kom ’n 5 jaar/100 000km waarborg en ’n 5 jaar/100 000km volle diensplan.

Similar News

 

Usain Bolt in ’n Shrek-kostuum

2 weeks ago - 13 October 2021 | Motors

Kaapstad • Dirk GallowitzDie “M”-kenteken het oor die jare gesorg vir ikoniese verrigtingmotors wat wêreldwyd met uitsonderlike sukses die renbane aan die brand gejaag het.Die...

’n Eerlike bakkie

2 months ago - 24 August 2021 | Motors

Isuzu Suid-Afrika sal die lankverwagte nuwe Isuzu in 2022 plaaslik bekendstel, maar intussen verkoop die effe goedkoper X-Rider modelle fluks.Ons het onlangs ’n pragtige bloedrooi...

All new Navara makes Namibian debut

2 months ago - 17 August 2021 | Motors

Nissan announced the launch of the all-new Nissan Navara in Namibia today.The new pickup delivers an enhanced level of safety, comfort and driving pleasure, while...

Werkesel het ’n netjiese aandpak

4 months ago - 24 June 2021 | Motors

Kaapstad • Dirk GallowitzMet bakkie pryse, veral die luukser dubbelkajuitmodelle, wat die hoogte inskiet, begin meeste vervaardigers die lig sien om goedkoper alternatiewe in die...

2021 Santa Fe nou meer begeerlik

4 months ago - 03 June 2021 | Motors

Kaapstad • Dirk GallowitzDie 2021 Hyundai Santa Fe is die vierde generasie van die Koreanse motorvervaardiger se vlagskip SUV wat in 2018 plaaslik bekendgestelel is...

Die SUV-stryd woed voort

5 months ago - 27 May 2021 | Motors

Kaapstad • Dirk GallowitzKIA Motors het onlangs sy reeks van klein familievoertuie uitgebrei met die bekendstelling van die oulike Sonet.Die kompakte SUV segment is uiters...

Heading out this Easter?

6 months ago - 01 April 2021 | Motors

Going away for the Easter weekend can be both daunting and exciting, especially if you have a big family. If you have little ones, you...

’n Sjiek en sjarmante Fransman wat harte gaan laat...

6 months ago - 29 March 2021 | Motors

Kaapstad • Dirk GallowitzPeugeot se indrukwekkende nuwe 2008 is onlangs in Suider-Afrika bekendgestel. Ons het die plaaslike bekendstelling in ’n papsopwinterwaternat Limpopo bygewoon en sommer...

Iconic ride continues

7 months ago - 26 March 2021 | Motors

In October last year, Harley-Davidson announced a restructuring strategy for the brand, which is driven to focus on its core customer.Unfortunately, this meant that the...

Audi A7 wins NamWheels Car of the Year

7 months ago - 23 March 2021 | Motors

NamWheels, Galimoto Media’s flagship publication, announced their Car of the Year on Namibia’s Independence Day.The winning vehicle, Audi’s A7 Sportback 55 TFSi Quattro S-Line, achieved...

Latest News

More Pfizer BioNTech arrives

4 hours ago | Health

The United States government donated 124 000 doses of the Pfizer BioNTech Covid-19 vaccine to Namibia. The vaccines arrived last Friday, following the first consignment...

Smart strategies for sellers

4 hours ago | Life Style

Putting a home on the market can be stressful, and it can be difficult to make objective decisions when it matters most.Adrian Goslett, Regional Director...

Influencer programme generates great interest

4 hours ago | Tourism

Namibia Wildlife Resorts (NWR) collaborated with ten social media influencers on its first-ever social media influencer programme, to create awareness of its resorts to a...

Township women learn to sew

7 hours ago | Social Issues

Twenty-eight Windhoek women recently successfully completed a three-month sewing course at the City of Windhoek (CoW).The course was conducted at the UN Plaza Community Hall...

Shoes heading to Omaheke

8 hours ago | Social Issues

Project Never Walk Alone (PNWA), led by Tim Ekandjo, announced the distribution of the second batch of 1300 pairs of shoes to the needy in...

Creating solutions

1 day - 26 October 2021 | Environment

Namibia is known for its pristine environment and landscapes that attract substantial tourists; therefore, the lack of solid waste management if unattended may lead to...

MICT's say on SIM card...

1 day - 26 October 2021 | Technology

Following government’s policy directive that all SIM cards in Namibia must be registered, the Ministry of Information and Communication Technology (MICT) said that after consultations...

Masks, gowns for Health

1 day - 26 October 2021 | Health

When the third Covid wave hit Namibia, the request for assistance was also heard by Support Ulm e.V. in Germany, and Prof. Dr. Heinz Maier,...

Green, inclusive development to rebuild...

1 day - 26 October 2021 | International

Development cooperation is an important cornerstone of the German-Namibian partnership, as was highlighted by the visit of the German delegation of the Federal Ministry for...

Load More