Nuwe BMW 3-reeks maak sy buiging

Met meer as 15 miljoen eenhede wêreldwyd verkoop oor meer as 40 jaar, en wat ses modelgenerasies opgelewer het, is die nuwe BMW 3-reeks voorwaar 'n pionier in sy ­segment.

12 May 2019 | Motors

Kaapstad • Dirk Gallowitz



BMW blyk steeds die wêreld se voorste vervaardiger van premium voertuie te wees en spog nou met agt agtereenvolgende jare se rekordverkope.

BMW SA het onlangs sy 7de ­generasie 3-reeks teen die hange van Tafelberg in die mooiste Kaap bekend gestel en ons was daar.

Ons het gewoond geraak aan 'n 3-reeks (die modelreekse E30, E36, E46, E90 en F30) wat plaaslik gebou is in die vervaardiger se Rosslyn-aanleg buite Pretoria. Die aanleg bou deesdae die groep se X3-sportsnuts daar. Die nuwe 3-reeks met die modelnaam G20 word egter aanvanklik vir Suider- Afrika uit München ingevoer, maar sal later vanuit BMW se San Luis Potosi-aanleg in Mexiko kom. Die G20 word ook in China vervaardig.

Ná meer as 500 km agter die stuur op van die Kaap se beste paaie en oor die mees uitdagende bergpasse van die Boland, was dit duidelik dat die nuwe 3-reeks weer eens die standaard vir die middelvlak- luukse motorsegment 'n trappie hoër geplaas het.

Met uitsonderlike paddinamika, uitstekende bougehalte, topgehalte afwerking in die kajuit, asook die nuutste­ tegnologie en elektronika tans in die motorindustrie beskikbaar, staan die G20-modelreeks tans boaan die leer.



Van buite gesien

Van buite is die nuweling meer ­dominerend en tog ook sagter op die oog, afhangend vanuit watter hoek dit beskou word. Agter is die rondings sagter met 'n nuwe LED- ­ligontwerp wat effe trekke na die Lexus het. Weg is die sterk vou in die metaal van die uitgaande model wat oor die deure gestrek het, met die ­nuweling wat nou 'n sagter en skoner sykantprofiel ­ten toon stel.

Die voorkant, veral in M-Sport-afwerking, vertoon egter veel meer dominant. Die nuweling se groot niertjierooster en nuwe lighulsel met geïntegreerde flikkerligte bied nou laserlig LED-hoofligte wat die pad vorentoe tot 530 m ver kan priem. Dit bring 'n veel meer moderne voorkoms, terwyl die gapende luginlate met skerp hoekige ontwerp voor onder in die lugskort weer aggressief uitstaan, soortgelyk aan wat op die magtige M5-model gebruik word.

Die G20-modelreeks word gebou op BMW se CLAR-platform en is 76 mm langer en 16 mm breër as die uitgaande F30-model, maar is omtrent identies in hoogte. Die as-afstand is egter met 41 mm verleng, terwyl die voor- en agteraste met onderskeidelik 43 en 21 mm verleng is ten einde paddinamika en hantering aansienlik te verbeter.

Ondanks die groter bak, het die ingenieurs dit reggekry om met behulp van ligter materiale en die CLAR-platform die nuweling se bakrigiditeit te verstewig, gewig met 55 kg te verminder, asook 'n optimale 50/50-ge­wigs­­­verdeling tussen voor en agter te bewerkstellig. Die resultaat is 'n briljante bestuurdermotor met klas­leidende dinamika en verfyndheid op die pad.

Danksy die langer as-afstand geniet passasiers meer skouer-, elmboog- en beenruimte, met 'n bagasieruim wat 480 liter kan hou.



Binne

'n Nuutontwerpte inligtingskerm, digitale instrumentgroepering en 'n meer moderne instrumentepaneel dra by tot 'n sportiewer karakter in die kajuit. Ons is veral gaande oor die nuwe digitale instrumentepaneel, maar die naalde van die spoedmeter en toere­teller wat kloksgewys en antiklok­s­gewys na mekaar toe beweeg, neem tyd om aan gewoond te raak.

Die G20 kom ook met heelwat bestuurdershulpstelsels toegerus waaronder blindekolwaarskuwingsgonsers en ook 'n hulpstelsel wat die voertuig terug in die baan “dwing” soos die voertuig buite die baan “dryf”.

BMW se “Hi BMW”-stelsel wat met stemopdragte en handbewegings ver­skeie van die klank- en ander nutsfunksies uitvoer, sorg vir indrukwekkende interaksie met 'n blikbrein, maar die stelsel kan soms ongevraag indruis as sekere woorde in 'n kajuit-gesprek die blikbrein “aktiveer”. Die stelsel werk blykbaar progressief beter hoe meer dit die stem en uitspraak van die bestuurder “hoor' en beter verstaan.



Enjin en verrigting

Die nuwe 3-reeks is bekend gestel met slegs twee viersilinder-enjinopsies, naamlik 'n 2.0 liter-turbodiesel (320d) en 'n 2.0 liter-turbopetrol (330i). Meer enjinopsies, waaronder die nuwe ­topmodel M340i X-drive (275 kW, 500 Nm) wat krag deur al vier wiele na die pad stuur, volg later vanjaar, asook 'n 330 turbodieselmodel wat 195 kW/580 Nm se piekverrigting gaan lewer. Die 320d lewer 140 kW en 400 Nm danksy “sequential bi-turbo” aanjaging (die uitgaande model het 'n enkelturbo gebruik) wat die maksimum wringkrag vroeër in die toere­strek beskikbaar maak en tot by hoër toere vashou. Die gevolg is 'n gladde en konstante kraglewering deur die toerestrek.

Die 330i-petrolmodel gebruik egter steeds 'n enkelturbo met twee vlakke wat in die nuwe G20 effe meer krag (190 kW) lewer, asook sorg vir 'n klein verbetering in wringkrag tot 400 Nm. Beide modelle is toegerus met 'n 8-spoed, ZF outomatiese ratkas wat krag na die agterwiele stuur.

Nou in sy derde generasie, is die ratkas opgedateer en verfyn om vinniger oor te skakel, asook korter oorskakelings vir die laer ratte te doen.

Ek geniet dit egter om self die ratte te verwissel met die ratspane agter die stuurwiel.



Brandstofverbruik

Uiteraard het BMW se witjasse ook brandstofverbruik verbeter en die 330i se amptelike gemiddelde verbruik word aangegee as 6.4 l/100 km, terwyl die 320d ons verstom het met 'n brandstofverbruik tydens ons toetsperiode van net 5,6 l/100 km. Die amptelike gemiddelde syfer volgens BMW word aangegee as slegs 4.6 l/100 km wat in ons mening haalbaar is aangesien ons verkies om entoesiasties in “Sport”-modus te ry eerder as om in die ECO-modus te kyk hoe laag ons die verbruik kan kry.

Ons 330i-model het beskik oor die opsionele M-Sport veerstelsel wat die bak 1 cm laer oor die wiele laat hurk en ook die skokbrekers se demping elektronies beheer vir 'n heel aangename rit ondanks die 19”-wiele en laeprofielrubber.



Slotsom

Die nuwe 3-reeks lewer 'n kragtoer soos min op die pad met tipiese BMW- paddinamika en -verrigting vir 'n ­genotvolle sportiewe ry-ervaring.

Met die verbeterde kajuit is die Beemer nou, met 'n moderne en ­weelderige kajuituitleg en boonop slim tegnologie, na ons mening die klasleier in die medium grootte luukse segment.

Die nuweling behoort ook 'n jonger generasie koper nader te hark.

Terwyl die 330i se verstommende verrigting my hartsnare roer, is dit die 320d se balans, seepgladde krag­lewering en uitstekende brandstof­verbruik wat my regmerkie kry.

Similar News

 

Driver training: Why it's better to outsource

1 day - 18 August 2019 | Motors

Many companies choose to outsource certain functions because of the cost-savings associated with this. There is, however, strategic benefits as well. This includes access to...

Looks faster, goes faster

1 day - 18 August 2019 | Motors

The sleeker, faster and more technologically advanced new Ford Mustang delivers more athletic styling, sophisticated engine and suspension enhancements, as well as advanced driver assistance...

Al hoe sportiewer

1 week ago - 11 August 2019 | Motors

Kaapstad • Dirk Gallowitz Hyundai het verlede week sy tweede generasie van Tucson se Sport-model bekend gestel, 'n produk eie aan Hyundai Suid-Afrika.Die vorige model...

Motorrevolusie-meestersklas

2 weeks ago - 04 August 2019 | Motors

Kaapstad • Dirk Gallowitz Die ikoniese 911 is in 1964 vir die eerste keer aan die wêreld bekend gestel. Vyf-en-vyftig jaar en agt ­generasies later...

Pragtig en gesofistikeerd

3 weeks ago - 28 July 2019 | Motors

Kaapstad • Dirk Gallowitz Met 'n geskiedenis wat so ver terugstrek as 1963, met die Mazda Familia-motor wat later tot die gewilde klein 323-modelreeks gelei...

New heights for Duster TechRoad

4 weeks ago - 21 July 2019 | Motors

With more than two million cars sold globally, the Renault Duster has been completely revamped six years after its original release.The all-new Renault Duster models...

Six tips to make your weekend SUV getaway extraordinary

1 month - 14 July 2019 | Motors

There's no feeling quite like hitting the road and getting out of town for the weekend. Whether you are heading to the beach with the...

Driving with a baby on board

1 month - 14 July 2019 | Motors

Your journey to parenthood is an exciting time that requires much preparation, and also includes staying safe on the road. During pregnancy, mothers-to-be need to...

'n Brian Habana vir die veldpad

1 month - 07 July 2019 | Motors

Kaapstad • Dirk Gallowitz BMW het dit reggekry om met elke nuwe model voort te bou op die uitgaande generasie deur net dit wat suksesvol...

Op die rug van 'n kwaai bul

1 month - 30 June 2019 | Motors

Kaapstad • Dirk GallowitzEk het onlangs die voorreg gehad om 'n dag lank met die vinnigste Lamborghini tot datum oor die mees uitdagende bergpasse van...

Latest News

City of angels

1 day - 18 August 2019 | Society

Tanja Bause “More and more kids in Namibia are being orphaned daily and fewer people are taking care of them,” says Bettie Hoakhaos (52) of...

Ongos on the go

1 day - 18 August 2019 | Infrastructure

The groundbreaking ceremony for the N$ 4.3 billion housing project of the Ongos Valley took place in the capital this earlier this week. A total...

Residents and |Gôagoses at loggerheads

1 day - 18 August 2019 | Infrastructure

Residents of Duneside informal settlement in Rehoboth’s Block E said they want their Town Council and the Rehoboth Urban East Constituency office to bring basic...

Good possibility for rain

1 day - 18 August 2019 | Disasters

Swakopmund • Erwin LeuschnerFor many Namibians, especially farmers, there may be a small glimmer of hope. The strong El Niño phenomenon, which is one of...

Giving hope to the destitute

1 day - 18 August 2019 | Social Issues

Walvis Bay • Leandrea Louw The Promiseland Trust, established in Walvis Bay in 2009, feeds more than 2 500 children across the town every day.Founded...

Vlinders vlieg hoog

1 day - 18 August 2019 | People

Windhoek • Yolanda Nel Oulike babaklere het 'n manier om enige mamma-hart te laat smelt en ander broeis te laat. Juis daarom het 'n mamma...

Agriculture in harmony with nature

1 day - 18 August 2019 | Environment

“Sustainability so often has negative connotations,” says Fabian von Hase. He finds the term “ecological health” more fitting.“Sustainable means that we do less harm to...

Prickly intruders

1 day - 18 August 2019 | Environment

Windhoek • Theresa Lang Gunhild Voigts carries gardening tools with her wherever she goes. Peek in her car and you will find rakes, saws and...

Computers for Omaheke library

1 day - 18 August 2019 | Education

The Omaheke regional library in Gobabis last week received a donation of laptops from Bank Windhoek. At the handing over, the director of education in...

Load More