Pragtig en gesofistikeerd

Die Mazda 3 het sedert sy bekendstelling in 2003 wêreldwyd reeds meer as ses miljoen eenhede verkoop en is 'n topverkoper in die Mazda-stal.

28 July 2019 | Motors

Kaapstad • Dirk Gallowitz



Met 'n geskiedenis wat so ver terugstrek as 1963, met die Mazda Familia-motor wat later tot die gewilde klein 323-modelreeks gelei het, het Mazda-motors 'n reputasie gebou as taai en betroubare wiele wat lig op brandstof en goedkoop was om te onderhou.

Die uwe het darem selfs in die vroeë tagtigs baie sorgvrye kilometers met my 1500 cc 323 afgelê, of soos dit spottenderwys in die volksmond bekend gestaan het, as 'n “tree-to-tree”­-Tarzan-karretjie.

Terwyl die klein Mazda gewild was, moes dit in ons geweste altyd aan die agterspeen suig as dit gemeet was teen die tydgenote Golfs, Fords en Toyotas se verkope.

Ongelukkig het die situasie vandag steeds nie verander nie en met hedendaagse kopers wat ál meer na ekonomiese, kompakte aktiwiteitsvoertuie smag, gaan die verkoopsyfers van sedanmotors steeds afwaarts neig.

Mazda kom egter met 'n vars benadering vir die nuwe model waar treffende stilering en uitstekende afwerking kopers moet teruglok. Die sewende-geslag “Drie” is 'n uitstekende voorbeeld en 'n prysenswaardige poging om die model te laat voortbou op die legendariese betroubaarheid van vorige generasies.

Die nuwe 3 gebruik steeds Mazda se Sky-Active-tegnologie vir die enjins, asook “Skyactiv-Vehicle Architecture” vir 'n innoverende onderstel en bakstruktuurontwerp.



Eie identiteit

Ook is daar weer twee weergawes met die luikrug en sedan wat apart van mekaar ontwerp en gestileer is. Die gevolg is duidelike onderskeid en 'n eie identiteit vir elkeen. Waar die luikrug veral die oog tref met sportiewe lyne, is die nuwe sedan met 'n meer stylvolle voorkoms beklee.

Die sedan is met 75 mm gerek en hurk 10 mm laer op die pad, terwyl die luikrug met 5 mm in lengte gekrimp het en 15 mm laer as die uitgaande model is. Beide se wielbasis is wel 25 mm langer wat vir 'n groter binneruim en meer sublieme rit sorg.

Mazda se Kodu-ontwerpstyl, wat gestalte gee aan “the soul of motion”-filosofie, plaas nou groter klem op die “minder-is-meer-benadering” waar weggedoen word met gewone aksentlyne en liefs gebruik maak van groter “skoon” oppervlakke. Die resultaat van die koepee-agtige daklyn en soepel lyne by veral die geronde stert en opwaartse swiep van die agterste kantvensters se ontwerp van die luikrug, is 'n visuele kragtoer wat selfs die Italianers met passievolle begeerte sal laat kyk.

Volgens Mazda is dit egter die kajuit wat die grootste vernuwing ondergaan het. Die binneruim verras inderdaad met 'n sensoriese ervaring van gehalte en visuele trefkrag. Kajuitontwerp fokus duidelik op 'n minimalistiese, funksionele en stylvolle uitleg terwyl groot klem geplaas is op materiale van hoogstaande gehalte wat uitstekend afgewerk en verpak is. Die resultaat is 'n klasleidende kajuit met instrumentasieuitleg en ontwerp wat rondom die bestuurder beplan is, soos die nuutontwerpte sitplekke, herontwerpte middelkonsole asook die meervlakkige voorpaneel. Ons hou baie van die 3-ring-analoog-voorkoms van die instrumententepaneel met digitale inligting.

Standaard toerustingvlakke is hoog in die nuwe modelle en sluit in sleutellose toegang en aan/afskakel, klimaatbeheer, satellietnavigasie, spoedbeheer, asook USB en 12V kragkoppelings. Al die modelle bied ook n stelsel waar inligting op die venster voor die bestuurder geprojekteer word (Heads-Up Display).

Die Mazda Connect media- en ­inligtingstelsel met 'n groter 8,8”- skerm maak sy buiging in die nuwe Mazda 3 en anders as die uitgaande model se raakskermfunksionaliteit, is ­toegang na die stelsel nou slegs met behulp van 'n draaiknop op die ­sentrale konsole by die ratkierie. Die stelsel bied Android Auto en Apple Carplay vir slimfoonkoppeling. Die spesiaal ontwerpte Bose-klankstelsel in die topmodel verdien spesiale melding.

Beide die sedan en luikrugmodelle is beskikbaar met Mazda se Skyactiv-G 1,5 liter- of 2,0 liter-petrolenjins.

Terwyl die 1,5 liter-enjins aandrywing verskaf vir die intreevlak “Active” asook die luukser “Dynamic” en “Individual” afwerkingsvlakmodelle, kom slegs die topmodel “Astina” toegerus met die 2.0 liter-enjin.

Die 1,5 liter-viersilinder normaal geaspireerde petrolenjin lewer 88 kW se piekverrigting met 'n maksimum wringkrag van 153 Nm. Amptelike brandstofverbruik word aangegee as 6,0 l/100 km.

Die 1998 cc viersilinder-petrolenjin in die Astina-modelle bied ook nie turbokrag nie en lewer 121 kW en 213 Nm se pieksyfers met 'n amptelike brandstofverbruiksyfer wat as 6,3 l/100 km aangegee word.

Aandrywing na die pad is deur die voorwiele by al die modelle. Die intree “Active” is slegs beskikbaar met 'n 6-spoedhandratkas, terwyl die middelvlak “Dynamic” en “Individual” weergawes 'n keuse bied van 6-gang outomatiese of 6-gang-handratkaste.

Die topmodel “Astina” is egter slegs met 'n 6-gang-outokas beskikbaar.



Beproef

Die nuwe Mazda 3 is in die dun lug van die Gauteng se Hoëveld bekend gestel en het veral die 1.5 liter-enjin se gebrek aan turbokrag soos by van sy meedingers, duidelik blootgelê.

Ek is seker die ervaring sou aan die kus veel meer aangenaam wees, maar verbysteek teen 'n effe opdraand, veral in die swaarder sedanmodel, moet goed beplan word. Hantering, paddinamika en balans is uitstekend met uiters lae vlakke van wind- en padgeraas by beide die sedan en luikrug wat uiteraard beïndruk het.

Die 2.0 liter-Astina is egter 'n heerlike motor om te bestuur met 'n onderstel en veerstelsel wat myns insiens nuwe standaarde stel in hierdie segment en 'n kajuit wat uitstekend geïsoleer is van vibrasies en enjingeraas, danksy Mazda se “G-Vectoring Control Plus”-tegnologie by die nuwe onderstel.

Myns insiens bied die sedan 'n selfs meer gesofistikeerde rit as die luikrug, maar die sexy voorkoms van laasgenoemde het my hart gewen.

Die handratkas is 'n juweel en die ­uitstekende ritgehalte en goeie dinamika van die 1,5 liter waarmee ons ook gery het, vergoed byna vir die gebrek aan oemf. Ek vermoed egter dat die 1,5 liter veel beter by die kus gaan doen.

Die 2019 Mazda 3 is ook vroeër vanjaar met maksimum 5 sterre in die gesaghebbende Euro NCAP se ­veiligheids- en botsingtoetse bekroon.

Terwyl die nuwe Mazda 3 visueel tref, beperk die C-pilaar se ontwerp by die luikrug sig na agter. Dit is omtrent die enigste negatiewe kommentaar wat ek teen die nuweling kan inbring, maar dan is die luikrug se ontwerp so treffend dat ek persoonlik daarmee sal kan saamleef.

Die ander negatiewe aspek mag dalk die nuweling se prys wees. Met 'n veel duurder pryskaartjie as die uitgaande model, bied die nuwe Mazda 3 egter luukser afwerking, hoër vlakke van standaard toerusting, beter ritgehalte en paddinamika en is in geheel 'n veel meer gesofistikeerde voertuig.

Boonop seker die mooiste Mazda ooit!

Ingesluit by die aankoop van elke nuwe Mazda 3 is 'n standaard 3 jaar- onbeperkte kilometer-diensplan, 'n 3 jaar-fabriekswaarborg, 'n 3 jaar- padbystanddiens asook 'n 5 jaar-roeswaarborg.

Similar News

 

The Beast hits Namibian soil

6 days ago - 29 June 2020 | Motors

In spite of the havoc that the coronavirus has created, Auas Motors now debuts the first Isuzu D-Max Arctic AT35 in Namibia.The limited edition 3-litre...

Nuwe Toyota Corolla – die staatmaker nou nóg beter

1 month - 01 June 2020 | Motors

Kaapstad • Dirk GallowitzDie wêreld sonder ’n Toyota Corolla is omtrent soos ’n leefstyl sonder rugby en braaivleis – dit is nou in ’n Suid-Afrikaanse...

Isuzu brei D-Max 250 reeks met outokaste uit

3 months ago - 13 March 2020 | Motors

Kaapstad • Dirk Gallowitz Toe General Motors – wat Isuzu bakkies plaaslik versprei het – in 2017 uit SA onttrek, was Isuzu-eienaars bekommerd dat die...

Making its mark in Namibia

4 months ago - 02 March 2020 | Motors

Nors is a Portuguese group whose vision is to be a world leader in transport solutions, and construction and agricultural equipment. In Africa, the Nors...

Renault verras met bekostigbare Triber

4 months ago - 28 February 2020 | Motors

Durban • Dirk GallowitzDit bly effe van ’n goëlbal – dis nou daai aflewering wat jou só tref dat jy wonder waar het jy dit...

Cars need speed control devices – NUDO

4 months ago - 28 February 2020 | Motors

Acting secretary general of the National Unity Democratic Organisation (NUDO) Youth League, Veparura Kandirikirira wants speed limiting and emergency braking technologies fitted in all cars...

Warm Hyundai i30N laat harte vinniger klop

4 months ago - 20 February 2020 | Motors

Kaapstad • Dirk GallowitzDrie jaar ná die i30N in 2017 by die Frankfurt Motorskou sy buiging gemaak het, is dit begin Februarie ten einde laaste...

Volkswagen T-Cross – Prettige buks wat harte verower

5 months ago - 31 January 2020 | Motors

Dirk GallowitzTerwyl motorkopers wêreldwyd na bekostigbare kompakte sportsnutse neig wat suinig op die beursie loop, sal vervaardigers wat daarin slaag om die regte kombinasies in...

Mahindra se Pik (me) Up S11

5 months ago - 23 January 2020 | Motors

Dirk GallowitzMahindra het sopas hul Pik Up S11 met outomatiese ratkas in Suider-Afrika bekendgestel – die eerste land in die wêreld om dit te doen.Mahindra...

Hyundai se nuwe Venue

6 months ago - 11 December 2019 | Motors

Kaapstad • Dirk Gallowitz Kompakte es-joe-wees is tans die gewildste onder motorkopers. Ekonomies, bekostigbaar en moderne vervoer waarmee weeksdae die tekkie op die teerpad tjank...

Latest News

Housing initiative to help need

2 days ago - 03 July 2020 | Local News

Windhoek • [email protected]“The lives of those living in the informal settlements in Namibia are characterized daily by whatseems to be a persuasive idea that they...

Sweet sugar deal signed

2 days ago - 03 July 2020 | Business

Bokomo Namibia has completed the acquisition of the sugar packaging and distribution business of Tongaat Hulett Namibia (THN), following approval by the Namibian Competition Commission...

What's hot this weekend

3 days ago - 02 July 2020 | Art and Entertainment

Currently running• Namibian artist Elisia Nghidishange hosts her third solo exhibition, The Insight of Intrusive Women, at the National Art Gallery until 18 July.• The...

Civil servants answer to citizens

3 days ago - 02 July 2020 | Government

Minister of home affairs, immigration, safety and security Frans Kapofi implored civil servants in his ministry to deliver service with integrity and efficiency.Speaking at the...

ICT a catalyst for economic...

3 days ago - 02 July 2020 | Opinion

Windhoek • Llewellyn le HanéNamibia seems to be on the cusp of a major technological revolution; suddenly we have apps for everything, online payment systems...

Early morning deliciousness

3 days ago - 02 July 2020 | Banking

As part of Nedbank’s stakeholder engagement, the bank’s marketing and communication team treated Namibia Media Holdings staff to a hot cup of coffee and a...

Taking a stand for freedom...

3 days ago - 02 July 2020 | Local News

Windhoek • [email protected] an effort to save Namibian women who are losing their freedom due to the criminalisation of abortion, one Namibian is taking the...

Swapo MPs choose 62-day NA...

3 days ago - 02 July 2020 | Government

An attempt by the leader of official opposition to extend the current National Assembly (NA) sitting beyond its envisaged recess date on 8 July fell...

Young Namibian authors awarded

3 days ago - 02 July 2020 | Local News

Winners in a fiction for children writing competition have been awarded, with three winning entries from Namibia.The competition took place under the auspices of the...

Load More