Toyota se RAV4 GX-R meer SUV as MPV

14 October 2019 | Motors

Kaapstad • Dirk Gallowitz

Toyota het baanbrekerswerk gedoen toe die eerste RAV in 1994 in Japan en Europa bekendgestel is ná die eerste konsepvoertuig in 1989 by die Tokio Motorskou onthul is. ’n Verbeterde konsep is in 1993 vertoon wat nader aan die produksieweergawe was.
Die filosofie agter die RAV (Recreational Active Vehicle) was om ’n kompakte passasiervoertuig te ontwerp wat oor viertrek beskik om ook in die veld te kan ry, maar terselfdertyd gerieflik op die teerpad kan rondrits. Die RAV was toegerus met ’n 2.0 liter petrolenjin en beskikbaar in twee- of vierdeurweergawes met handrat of outomatiese ratkas.
As klein, ekonomiese pretmobiel met ’n funksionele ontwerp, was die eerste RAV gewild onder die jonger geslag. Met die derde generasie het die “kompak” plek gemaak vir ’n medium-grootte gesinswa wat steeds op die grondpad kan baljaar, maar eintlik meer van ’n krooskarweier diens gedoen het.
Die vierde generasie was selfs groter, met nog minder sportiwiteit as die vorige generasie en ligjare verwyder van die aanvanklike ontwerpfilosofie.
Die nuwe vyfde generasie RAV4 is vroeër vanjaar in Suid-Afrika bekendgestel en ek het die 2.0 GX-R model met vierwielaandrywing en ’n CVT-outokas vir ’n week onder hande gehad. Hoewel steeds nie die aanvanklike klein pretmobiel van 20 plus jaar gelede nie, is die nuwe RAV4 GX-R meer SUV as MPV en verseker meer avontuurlik en sportief as die vorige drie generasies.

Voorkoms
Die nuwe RAV4 GX-R AWD vertoon dinamies en aggressief met ’n forse sierrooster. Die bakontwerp is byna hoekig met skerp lyne. Die GX-R AWD blyk effe hoër te hurk oor die wiele om die pens bietjie meer te lig. Groter plastiek beskerming om die wielboë, asook voor en agter onder die buffers vir die inval- en vertrekhoeke se moontlike stampe, beklemtoon die GX-R se forser voorkoms verder. As geheelbeeld vertoon die nuwe RAV4 GX-R vir my treffend en doelmatig.
Binnekant beïndruk die nuwe RAV4 met uitstekende afwerking en materiale van hoogstaande gehalte. Die ambiaans in die kajuit vergelyk baie goed met kompeteerders uit Duitsland. Die voorpaneel is prakties en ergonomies goed uitgelê en vertoon modern.
In GX-R gewaad word die nuweling standaard baie goed toegerus. Middel bo in die voorpaneel is ’n 7”-raakskerm waarop alle kommunikasie-, klank- en voertuiginligting asook SAT/NAV en tru-kamerabeelde vertoon word.
Die kajuit is ruim en bied sitplek vir tot vyf passasiers met die agterste insittendes wat gemaklik kan sit met meer as genoeg been-, knie-, skouer- en kopruimte.
Verder is daar praktiese sowel as nuwerwetse katoeters asook genoeg stoorplek vir alledaagse gebruikersgoedjies soos bottels, sleutels en selfone.
Toyota het die nuwe RAV4 GX-R ook goed toegerus in terme van veiligheid. Daar is sewe lugsakke, ABS met elektriese remverspreiding, remhulp, heuwel-af beheer, stabiliteitsbeheer, glybeheer asook beheer wanneer die sleepwa buite beheer wil swaai.
Die 2019 Toyota RAV GX-R is toegerus met ’n 2.0-liter viersilinder petrolenjin sonder turbokrag wat krag na al vier wiele stuur met behulp van ’n palwissel (CVT) outomatiese ratkas. Die enjin lewer maksimum 127 kW en 203 Nm wringkrag. Amptelike brandstofverbruik word aangegee as 6,7 l/100 km in ’n gemengde siklus van stadsverkeer en ooppad-ry.

Padgedrag
Ek was beïndruk met die nuweling se padgedrag en ritgehalte op die teer asook die lae vlakke van wind- en enjingeraas in die kajuit teen topsnelhede. Die GX-R het heerlik hanteer met ’n soliede gevoel van veiligheid wat meer tuis is by veel luukser, duurder en swaarder SUVs. Dit was egter op die grondpaaie waar die RAV4 my verbaas het met baie goeie greep, balans en ’n uiters gesofistikeerde ritgehalte, selfs op sinkplaatgedeeltes.
Terwyl die GX-R krag deur al vier wiele na die pad stuur, is die RAV4 eintlik meer van ’n stoftrapper (soft roader) as ’n veldryer. ’n Beheerknop laat die bestuurder toe om tussen verskillende ritmodusse te kies waaronder “Sand & Modder” en “Klip & Gruis” na gelang van die terrein.
Ek het ons toetsmodel behoorlik beproef op al die terreine en was verstom oor hoe gemaklik die GX-R klippe kon klim en die dik, los sand van die Weskus en Sandveld baasgeraak het, danksy die nuwe meganiese viertrekstelsel wat oor dinamiese wringkrag verspreiding beskik. Die stelsel kan die agteras uit die viertrekstelsel “ontkoppel” wanneer nodig of net die linker of regterwiel “uitskakel” wanneer nodig.
Die RAV4 GX-R AWD is ’n uitstekende voertuig en ek meen dat sou Toyota die 2.4 turbodiesel in die GX-R kon vasbout, baie Fortuner-kopers veel eerder die RAV4 sou koop. Die nuweling se binneruim is vir my netjieser ontwerp, beter uitgelê en meer modern. Verder voel die kajuit vir my net so ruim as die van die Fortuner, maar die gehalte van die materiaal en afwerking in die nuwe RAV4, skep ’n ambiaans van luuksheid wat by die Fortuner ontbreek.
Die nuwe RAV4 GX-R AWD voel Europees, selfs Duits, waar die soliditeit van die deure, die manier hoe sag en netjies die deure oop- en toemaak, soortgelyk is as die veel duurder Duitse kompetisie. Kortom, die RAV4 GX-R is myns insiens die beste kopie in hierdie mededingende segment.
Gaan toetsbestuur een by jou naaste Toyota-handelaar, jy sal dalk met een wil huis toe ry!

Similar News

 

Renault verras met bekostigbare Triber

5 hours ago | Motors

Durban • Dirk GallowitzDit bly effe van ’n goëlbal – dis nou daai aflewering wat jou só tref dat jy wonder waar het jy dit...

Cars need speed control devices – NUDO

5 hours ago | Motors

Acting secretary general of the National Unity Democratic Organisation (NUDO) Youth League, Veparura Kandirikirira wants speed limiting and emergency braking technologies fitted in all cars...

Warm Hyundai i30N laat harte vinniger klop

1 week ago - 20 February 2020 | Motors

Kaapstad • Dirk GallowitzDrie jaar ná die i30N in 2017 by die Frankfurt Motorskou sy buiging gemaak het, is dit begin Februarie ten einde laaste...

Volkswagen T-Cross – Prettige buks wat harte verower

3 weeks ago - 31 January 2020 | Motors

Dirk GallowitzTerwyl motorkopers wêreldwyd na bekostigbare kompakte sportsnutse neig wat suinig op die beursie loop, sal vervaardigers wat daarin slaag om die regte kombinasies in...

Mahindra se Pik (me) Up S11

1 month - 23 January 2020 | Motors

Dirk GallowitzMahindra het sopas hul Pik Up S11 met outomatiese ratkas in Suider-Afrika bekendgestel – die eerste land in die wêreld om dit te doen.Mahindra...

Hyundai se nuwe Venue

2 months ago - 11 December 2019 | Motors

Kaapstad • Dirk Gallowitz Kompakte es-joe-wees is tans die gewildste onder motorkopers. Ekonomies, bekostigbaar en moderne vervoer waarmee weeksdae die tekkie op die teerpad tjank...

New look for TrenTyre

3 months ago - 12 November 2019 | Motors

TrenTyre officially re-opened doors to its revamped Windhoek branch last weekend and amongst the changes that customers can look forward to, are a modernized look...

For hauling really heavy stuff!

3 months ago - 11 November 2019 | Motors

Autohaus MAN Truck & Bus delivered the first ever MAN TGX 41.680 8x4/4 Heavy Abnormal Truck Tractor in Africa, dubbed the “Black Lion” last week.The...

Epic Battle of the Brands for Cancer

3 months ago - 04 November 2019 | Motors

Some great off-road action took place at the Tony Rust Race Track outside Windhoek recently, where the Battle of the Brands for Cancer burst out...

Buying a car? Here’s a practical guide

3 months ago - 31 October 2019 | Motors

WesBank has introduced a handy eBook titled Adulting 101 - a practical car buying guide for young professionals, to help graduates and first-time car buyers...

Latest News

CoW on cost-cutting drive

28th of February 14:34 | Government

The mayor of Windhoek Fransina Kahungu said the municipality will be forced to introduce cost-cutting measures to save money to implement its 2020 Mayoral Action...

MTC wants to house homeless

4 hours ago | Infrastructure

MTC has set itself the goal to provide affordable housing for the homeless.According to MTC spokesperson Tim Ekandjo, the company plans to build 270 apartments...

Renault verras met bekostigbare Triber

5 hours ago | Motors

Durban • Dirk GallowitzDit bly effe van ’n goëlbal – dis nou daai aflewering wat jou só tref dat jy wonder waar het jy dit...

Top Two soccer and netball...

5 hours ago | Sports

The Top Two football and netball tournament under the auspices of Namibia Rural Sports Development Federation (NRSDF) takes place in the capital at Sam Nujoma...

Basketball coaches coached

5 hours ago | Sports

Ten basketball coaches received certificates after completing an international coaching enrichment certificate programme (ICECP), which was held in Windhoek over the past four months.The graduating...

Exhibition tourney for amateur boxers

5 hours ago | Sports

The Funky Lab Namibian Police (NamPol) Boxing Club hosts an exhibition boxing tournament at Funky Lab Club and Restaurant in Windhoek on Saturday.Speaking the media...

Cars need speed control devices...

5 hours ago | Motors

Acting secretary general of the National Unity Democratic Organisation (NUDO) Youth League, Veparura Kandirikirira wants speed limiting and emergency braking technologies fitted in all cars...

Independence anniversary logo unveiled

5 hours ago | Events

The deputy minister of information and communication technology (MICT) Engel Nawatiseb unveiled the 30th independence anniversary celebration logo and theme for the next five years...

No 5G for capital …...

6 hours ago | Infrastructure

Windhoek • [email protected] request to enter into a Memorandum of Understanding (MoU) between Huawei Communications and the City of Windhoek for a 5G network connectivity...

Load More