Drietal reis om Badlands te tem
Fietsry
Die Namibiese fietsryers Drikus Coetzee, Pierre Lambert en Nabil Robiati het uit Windhoek vertrek op pad na Spanje vir hul deelname aan die Badlands ultra-byeenkoms wat Sondag begin. Die roete van 800 kilometer word beskryf as “nie besonder tegnies nie”, hoewel die nagenoeg 16 000 meter se klimwerk deur uitdagende bergreekse wel ‘n faktor sal wees. Al drie die Namibiërs is gesoute ystermanne wat hulself reeds in die Munga (Suid-Afrika), Munga Le Dur (Namibië) en die Atlas Mountain Race (Marokko) bewys het. Soos gebruiklik sal Coetzee die verklaarde ambisie en dryfkrag hê om vir die algehele wennersposisie mee te ding. Foto verskaf