Namibiërs blink met vier medaljes in buurland

Bergfietsry
Namibiese bergfietsryers het by die Suid-Afrikaanse Nasionale Cross Country Cup in Pietermaritzburg vier medaljes verower, met uitstaande vertonings in beide die XCC- en XCO-dissiplines.
Tielman van Lill
  • 21 Hours Ago - 2026-07-02 00:05:00

Namibiese bergfietsryers het die afgelope naweek by Cascades, Pietermaritzburg in KwaZulu-Natal, aan die Suid-Afrikaanse Nasionale Cross Country Cup deelgeneem.

Qara Volschenk het twee goue medaljes in die junior meisies-afdeling gewen. Wat merkwaardig is, was dat die junior meisies vyf minute ná die o.16-meisies weggespring het. Volschenk het die voorste o.16-meisie ingehaal en met 45 sekondes die wenstreep oorgesteek.

John-Pierre Lambert het vierde in die junior seuns-afdeling geëindig.

In die junior vroue-afdeling moes Rosemarie Thiel (Cymot/Scott) weens ongesteldheid uit die wedren onttrek. Marco Thiel (Cymot/Scott) het tweede in die junior mans-afdeling geëindig. In dieselfde afdeling was Christiaan van der Westhuizen vierde, Sean Lowe elfde en Dawie Greeff dertigste.

 

Tye en uitslae per afdeling

XCC-resies

Junior meisies (3.4 km)

1 Qara Volschenk (9:49)

2 Leone Theron

3 Skyler Blom

Junior seuns (3.4 km)

4 John-Pierre Lambert (8:55)

Junior mans (6.8 km)

2 Marco Thiel (16:33)

4 Christiaan van der Westhuizen (16:44)

11 Sean Lowe (17:05)

30 Dawie Greeff (19:56)

 

XCO-resies

Junior meisies (12.9 km)

1 Qara Volschenk (51:13)

2 Leone Theron

3 Leyla de Oliveira

Junior seuns (12.9 km)

7 John-Pierre Lambert (48:09)

Junior vroue (17.2 km)

4 Rosemarie Thiel (1:14:57)

Junior mans (21.5 km)

2 Marco Thiel (1:08:17)

5 Sean Lowe (1:09:58)

10 Christiaan van der Westhuizen (1:12:02)

30 Dawie Greeff (1:16:52)